[مهم]

موضوع: [مهم] 14/9/2012, 12:30 am

بدون مقدمات
انا بشوف بنات كتيييير بتدخل قسم المغتربات تطلب عقد لخطيبها او لزوجها او تسال عن اجراءات الاستقدام او عاوزة تسافر الخ....

اسمعى الاول تجربتى وعن خبره انا هحكى الموضوع دا والله العظيم للاستفاده
عشان كده ارجو التقييم لو حسيتى انك استفادتى وعشان كمان نقدر نساعد اى حد قبل مايتنصب عليه

نبدا بقي وهحكى ع مراحل
اولا
اى بنوته عاوزة تسافر بسبب الظروف الماديه عاوزة اقولك فكرى كويس جدا قبل ماتسافرى الغربه بجد والله صعبه ووحده وهتجربى
وعشان نهون ع نفسنا الغربه لازم نختار المكان الصح الى نروحه ونضيع سنين من عمرنا فيه
ولازم المقابل المادى يكون مجزى عشان الغربه تهون ونرجع بسرعه

طيب ازااااااااااااااااااااااااااى
بصي ياجميل

اول حاجه لو عاوزة عقد كويس روحى مكتب كويس واللى للاسف بقوا حاجه نادرة اليومين دول
ووالله العظيم وبقولها عن تجربه بعانى بسببها الوقتى واتنصب علينا بسبب قله خبرتنا
معظم مكاتب الحاق العماله بتيقي حراااااااااااميه والمفروض يسموها
مكاتب الحاق العبيد بالسخرة وللاسف بيبيعوا اهل بلدهم بارخص الاتمان
طيب ازاى تعرفي الاول ان العقد كويس ولا لا؟؟
بصي ياقمر وعن تجربه

مهماااااااااا كان الوظيفه اللى زوجك رايحها اذا قل المرتب عن 3 الاف ريال متقبليييييييش
ودا للمتزوج العازب ممكن
ليه بقي لان يادوب الواحد هنا بيتكلف الف ريال مصاريف النفر الواحد يعنى انتى وزوجك وطفل 200 ريال هتقولى ليييييييييييه
هقولك هنا بتتكلفي ميه وكهربا وميه شرب وشحن جوال الفواتير هنا غاااااااااااااليه
يبقي لو صرفتى الفين واتبقالك الف تحوشيه ياااااااادوب
اقل من كده متطلعيييييييييييييييييش

عشان تختارى عقد لازم يتوفر فيه الشروط التاليه طبعا بعد ماعرفنا المرتب يكون من 3 وطالع
1.لازم تعرفي مكان العقد كويس جدا جدا يكون ف مدينه معروفه جده الرياض
الدمام مكه بلااااااش القري وبلااااااش الاماكن المتطرفه العيشه فيها اغلى
واصعب وتاخدى رقم مكان الشغل وتسالى اذا كان فعلا ف المكان دا ولا لا
وتدخلى ع النت تكتبي اسم الشركه والمكان وتعرفي كل شيئ عنه
لان مكاتب النصب بيعملوا ايه؟؟؟؟؟؟

بيقولك متلا اسم زى جده الشغل ف جده ولما تروحى تمضوا العقد تلاقي مكتوب فى
اى منطقه من مناطق المملكه وكده متقدريش تمسكى عليهم حاجه وتلاقي نفسك
منفيه ف حته صحرا
زى حالاتى كدا قالولى اسم مدينه كبير وبعدين لاقينا نفسنا ف قريه بالعافيه فيها سوبر ماركت وعشان مفيش غيره بيبيع باسعار غاليه جدا
2.اوعى المكتب يضحك عليكى ويقولك المبالغ اللى
بياخدوها ال ايه عشان يطلع التاشيرة زى 5 الاف و4 تلاف التاشيرة بتطلع ب50
ريال يعنى 70 ج وله رسميا نسبه من العقد بتاعك 2% فقط يعنى
متلا العقد سنتين ف خلال السنتين المرتب هيكون 100000 ريال متلا دا مرتب
السنتين يعنى ياخد 2000 فقط مش 5 ولا 8 ولا الهبل دا تماما ومفيش حاجه
اسمها بياخد اول مرتب هنا الناس مبترحمش شغل من نار ميبقاش زوجك بيشتغل 12
ساعه ف اليوم 7 ايام ف الاسبوع والمكتب ع الجاهز ياخد مرتبه اللى اتهلك
عليه شهر كامل دى ناس نصااااااابه
طبعا انتى هتسالى المكتب بكل سذاجه كل المصاريف اللى هتكلفها كام
طبعا مصاص الدماء هيقولك مصاريف المكتب 6 الاف وفى بس 200 ج ورقه نت وانتى
تفرحى بالعقد وتجرى تدفعى زى الهبله ع اساس ان دى كل المصاريف
طبعا هتلاقي بعد كده لنك محتاجه توثقي ورق والحكومه طبعا عندنا لو كحيتى
بفلوس الكشف الطبي بمواصلاتك لو انتى من محافظه بعيده حوالى الف جنيه دا
غير بقي باسبور وصور وبلاوى وطبعا المكتب مالوش دعوة بالكلام داانتى اللى
بتكعى

3.خلاص اتفقتى ع مصاريف المكتب وحسبتى النسبه وعرفتى المكان تعالى بقي ع باقي بنود العقد
لاااااااااااااااازم حاجه اسمها بدل سكن دى فلوس بتاخديها تسكنى بيها لان
السكن هنا غالى جدا اقل حاجه الشهر بالف ريال فطبعا مينفعش تدفعيها والا
يبقي ملوش لازمه
بدل السكن اوعى تاخديه اقل من 12 الف دا اقققققققققل حاجه واوعى يضحكوا عليكى ويقلك السكن هناك رخيص واسالى البنات المغتربات
اووووووووووووووعى يقولك احنا بنوفرلك سكن زى ما عملوا معانا لان ببساطه عملوا معايا الاتى
نقوا ازبل شقه ف المكان كله طبعا الكفيل هينقي ارخص حاجه
يعنى لاقيت الحنفيات والخلاطات بايظه وطبعا حضرتك تصلحى من جيبك البلاعات
مسدوده السباكه دايبه البيبات بتطلع ف ايدك وطبعا انتى اللى هتعانى عشان هو
بيكون وفرلك السكن ومالوش دعوه وكوعى بقي تصليحات وقرف
يبقي تاخدى بدل السكن ف ايدك ونقي سكن نضيف يليق بيكى
وملحق ببند السكن طبعا التاثيث انتى اللى تاثثي مش هما لانهم هيجيبولك حاجات معفنه دا اذا جابوا اساسا

انا طولت عليكو بس والله عاوزاكو تستفادوا لسه فيه بنود كتير هقولكوا عليها
وهقولكوا كمان ازاى تجيبي لزوجك او ليكى عقد كويس والمكتب هو اللى يتصل
بيكى كمان بس اشوف التقييم الجميل
وارجعلكوا تانى
سلام مؤقت ياقمامير

موضوع: رد: [مهم] 14/9/2012, 12:32 am

والله كلامك صح وبجد
تستاهلى خمس نجوم ياقمر
[مهم] 2908608878

موضوع: رد: [مهم] 14/9/2012, 12:54 am

موضوع جميل تسلمى عليه يا قمر

موضوع: رد: [مهم] 26/9/2012, 2:19 am

جزاكى الله خيراااااااااااااااااااااا