مسلسل حنان فى رمضان

نبذه عن بطلة حكاياتنا حنان






حنان زوجه في أوائل الثلاثينات , لديها من الاطفال ثلاثة

هيا بنا لنري ماذا تفعل حنان

الحكاية الأولي

حكاايات حنان رمضان









المشهد الأول

يرتفع صوت أذان الظهر ليملأ الدنيا ويرتفع صوت حنان لأنها ذهبت في نوم عميق بسبب السهر ومااستطاعت الاستيقاظ مبكر

قامت حنان جري من السرير و ارتفع الصوت أكتر عندما رأت أولادها مستيقظين و الشقه متبهدله ومتلخبطه

صرخت فيهم وبدؤا في البكاء , حبستهم حنان في غرفتهم ورأت الساعه وجدت انه باقي نصف ساعه فقط علي رجوع زوجها حسين من الشغل









دخلت حنان المطبخ جري ومحتاسه مش عارفه تبدأ بإيه بالظبط



فضلت تخبط وتبهدل و مرت النصف ساعه كأنها نصف ثانيه وفاجأه اتفتح باب الشقه





حكاايات حنان رمضان


المشهد الثاني


دخل حسين وياعيني راجع من الشغل هلكان وتعبان و نفسه ياكل لقمه وينام

دخل المطبخ وجد حنان شعرها منكوش وحتي وجهها ما غسلته ومتبهدله والبصل في يدها وما عملت أى شئ في الأكل
وكان هذا الحوار
حنان : إنت رجعت بدري ليه كده؟؟؟
حسين : بدري فين أنا راجع في ميعادي يا هانم وبعدين مش المفروض ترحبي بي أرجع الشغل تاني والا إيه !!!!
حنان : ماشي ياخويا اهلا وسهلا شرفت , روح شوف العيال حابساهم في غرفتهم افتح لهم وشوفهم عاوزين إيه علي ما أخلص
حسين : احمر وجهه وظهرت عليه علامات الغضب وتقريبا كده هاينفجر
دار حوار بينه وبين نفسه :
انت هاتفضل مستحمل الست دي لغاية إمتي دي ماتنفعش لا زوجه والا أم , كل يوم أقول معلش بكره تتغير بس الظاهر إنها هاتفضل كده علي طول وأنا أمي دعت عليا
ووجه الكلام لحنان بصوت عالي وزعيق
حرام عليكِ أنا شقيان وتعبان وراجع نفسي آكل لقمه وألحق أنام شويه قبل ما أنزل تاني ومبهدل نفسي علشان حضرتك تتهني ومفيش فايده فيكِ أبداً
إستحملتك كتير وقلت ممكن تتغير لكن بتزيدي علي الآخر
بس خلاص الصبر له حدود وأنا لو مش واحد محترم كنت رميتك في الشارع من زمان بسبب إهمالك فيا أنا وعيالك
وكمل حسين كلامه وطلع كل اللي جواه وانفجر في حنان وهي واقفه مذهوله من اللي بيحصل
وأخد بعضه وخرج وخبط الباب وراه
رمت حنان كل اللي في إيديها وخرجت من المطبخ وقعدت تبكي وتندب حظها اللي وقعها في واحد ما يقدرهاش
والا يقدر التعب اللي بتتعبه معاه هو وعياله
إشمعني زوج أختي شايلها في عنيه وعمره ما اتخانق معاها ؟ ليه مايكونش حسين هو كمان كده ويعاملني كده
يا عيني عليا هو مش عارف إنه عمره ما هايلاقي واحده مثلي ابدا
*** وقفه ***
لا تقارني ابداً بين زوجك و زوج صاحبتك أو أختك كل رجل وله شخصيته
حكاايات حنان رمضان
تعالوا معايا ناخد جوله مع حنان ونشوف إيه اللي زوجها مش هايلاقيه في واحده غيرها
مثل ما شوفنا حنان كل يوم تصحي علي صوت أذان الظهر بالعافية وتفضل تصرخ في العيال وتحبسهم
و تدخل تحتاس في المطبخ
ويرجع الغلبان حسين وتقوله روح للعيال علي ما اخلص
يروح حسين مغلوب علي أمره لعياله ويفتح لهم ويشوف طلباتهم يفطر اللي جوعان ويغسل ويغير ويعمل كل شئ للأولاد
علي ما الست حنان تخلص الغدا يكون العصر أذن ومعاد رجوعه الشغل قرب
تحط الغدا ويتغدوا وطول فترة الأكل ما بتقفلش فمها وحصل وحصل وحصل وهو يا عيني دماغه خلاص بتكون انتفخت من كتر الكلام
يخلص غدا وينزل جري تاني علشان يلحق شغله
ينزل حسين وتجري حنان علي الكمبيوتر وتدخل تلف في المنتديات وتعمل شوية شات
وولادها سارحين في الشقه اللي يكسر واللي يبهدل وهي سرحانه والا حاسه بشئ
وتفوق حنان علي صوت رجوع زوجها للبيت
يدخل حسين يقولها انتي مش بتزهقي من الجهاز ده
أنا أمشي تقعدي قدامه وارجع ألاقيكي لسه قدامه وياريتك بتقومي لما ادخل
ترد عليه حنان : يعني الشويه اللي أقعد فيهم علي النت أفك شويه عن نفسي فيهم مستخسرهم فيا حرام عليك
يدخل يتفرج علي الاخبار شويه لأن الحوار معها مش هايجيب نتيجه ويقولها إعمليلي كوباية شاي علشان مصدع
تعملها وتجري علي النت تاني لغاية ما يزهق ويروح يقفل لها الجهاز تقوم تزعق معاه شويه وتفتكر إن عندها أولاد تروح تشوف الجرائم اللي ارتكبوها وتبدأ معركتها معاهم
وياعيني علي الغلبان المصدع دماغه تنفجر من صرخ حنان وعيالها
يقوم نازل يقعد شويه مع أصحابه بعيد عن الجو المزعج ده
وهو نازل حنان تقوله : إنت رايح فين وتاركني لوحدي هو أنا ماليش حق أقعد معاك زي اصحابك
ينظر لها حسين لعله يرجع في كلامه يراها كما تركها العصر منكوشه ومتبهدله يتركها وينزل لان الحوار لن ينفع معها
يمشي من هنا وهي تمسك التليفون من هنا وتبدء الرغي الي أن يعود وتستمر في الكلام بالرغم من رجوعه
وهو يدخل يقعد شويه قدام النت وينتظر إنتهائها ومفيش فايده بتفتح في حوارات جديده كل شويه وآخر ما يزهق ينادي عليها عاوز اتعشي
تقفل مع اللي بتتكلم معاها وتقوله مش عيب لما تحرجني مع صاحبتي كده وأنا باكلمها مش عارف تصبر لما أخلص كلام مش عارف إنها كده هاتقول عليك قليل الذوق
ينظر لها بنظرة حسرة ويقولها إعمليلي آكل خليني أتخمد وأنام
تعمله العشا وتعشيه ويدخل ينام وهي تدخل تتفرج علي المسلسلات
وتفضل سهرانه هي والعيال للصبح وتدخل تنام قبل معاد استيقاظ زوجها بشويه
وهو بيظبط المنبه يصحي عليه ولو أضاء النور تصرخ وتقوله إطفي بسرعه عاوزه أنام
ويفضل يدور علي فردة الشراب وعلي الحزام وووووو
وفي الاخر يذهب لشغله وهو بيقول انا عملت ايه في دنيتي ربنا بيعاقبني عليه







حكاايات حنان رمضان

حسين رجل مثل أي رجل نفسه زوجته تهتم بيه وببيته وعياله ومستحمل لعلها تتغير في يوم من الأيام لكنه خلاص تقريبا ما عاد قادر يستحمل شئ


حنان زوجه وأم بالكلام بس ,كل شويه تقوله انت مابتقدرش اللي باعمله لك


مش كفايه عليا سهري طول الليل بعيالك

حرام عليك حس بيا شويه أنا طول النهار متبهدله معاك انت وعيالك
حكاايات حنان رمضان
وعندما رأينا يوم حنان وجدنا أنها لا تقوم بعمل شئ لبيتها أو أولادها أو زوجها وبيتها متبهدل واولادها مهملين وزوجها كانه مش متزوج
نرجع تاني لحنان اللي بتبكي وبتندب حظها اللي وقعها في واحد مش بيقدر اللي بتعمله
ده فلان مراته مطلعه عنيه وهو بالعكس شايلها في عينه
وفلانه ما بتعملش نص اللي باعمله وزوجها يتمني لها الرضا ترضي
اشمعني أنا زوجي بيعاملني وحش كده أه يا عيني عليا
وصعبان عليها إن حسين يعمل فيها كده
وكالمعتاد تروح حنان للنت علشان تفك شويه عن نفسها يا عيني عليها مكبوته






حكاايات حنان رمضان

ودورت في المنتديات علي طريقه تندمه بيها علي اللي عمله فيها وشغاله تدور كيف تنتقم منه لأنه أهانها وجرحها ومش مقدر لها أى حاجه بتعملها

حكاايات حنان رمضان
وهي بتلف في المنتديات وجدت عنوان عجبها قوي وقالت هو ده المطلوب


الموضوع عنوانه


كيف تخنقين زوجك؟

قالت تمام أنا عاوزه أخنقه علي اللي عمله فيا وفتحت الموضوع وبدئت تقرأ فيه
ومره واحده عينيها برقت واتجمدت مثل التمثال
يا حنان مالك إيه جري لك يا بنتي
وحنان سرحت في دنيا تانيه خالص
حنان لما دخلت الموضوع وجدت حاجات غريبه فيه وصاحبة الموضوع كاتبه حاجات حنان أول مره تسمع بيها
وجدت الموضوع مشاكل وحلولها ومن ضمن المشاكل المشكله دي
الزوجحكاايات حنان رمضان رجع من العمل ) دخل البيت مكشر وبيقول السلام عليكم بالعافية
وبيرزع فى اى حاجة فى وشه
الزوجة إنتى طبعا طالع عينك مع الاولاد طول اليوم وغسلتى وطبختى والذى منه وفى انتظار زوجك العزيز يدخل عليكى إنتى والأولاد على الأقل بابتسامة
يبقى من حقك جدا فى الحالة دى
إنك تجرى عليه
وتساعديه فى خلع ملابسه
وتحضرى له الحمام
ولما يطلع بقة تكون
السفرة جاهزة تمام





حنان رجعت كده وافتكرت زوجها دخل وجد المنظر إيه والموقف فيه إيه وعرفت هي مقصره قد إيه


وفضلت تقرأ في بقية المواقف ووجدت العجب وعرفت إنها ما بتعملش أى حاجه اصلا لزوجها علشان يقدرها عليه



حنان لنفسها : يا نهار أبيض أنا كنت في غيبوبه طول السنين دي والا إيه


وخلصت الموضوع وفتحت القسم اللي فيه الموضوع لعلها تجد مواضيع أكتر تفيدها


فدخلت موضوع

دخل عليها زوجها فماذا وجدها تفعل؟؟؟؟؟
وقرأته ووجدت أنها لم تكن فقط مقصره في حق زوجها وإنما في حق ربها









ياااااااه دانا كنت باضيع الصلاه المفروضه وكنت باسهر الليل أمام التليفزيون وغيري سهران بيناجي ربه

يا الله و فضلت تفتح موضوع وراء موضوع ووجدت موضوع أزعجها جدا وفوقها علي حقيقه كانت غايبه عنها


عذراً زوجتي سأتزوج ...بأخرى


وفكرت هل حسين ممكن يفكر يعملها ويتزوج واحده تانيه يا نهار أبيض وشافت أسباب الزواج التاني وجدتها كلها عندها

هنا قررت حنان إنها تكون واحده تانيه خالص وتغير حياتها كلها





وفاقت من حاجات كتير وعرفت حاجات كانت غفلانه عنها كتير وعجبها الموقع وفضلت تبحث فيه وتلف في اقسامه ومواضيعه


وعرفت أنها مقصره في حق الجميع وحتي في حق ولادها ونفسها

وبعدين فاجأه قفلت الجهاز وقالت لنفسها أنا هافضل تاني وأسرح مع النت لغاية ما يرجع


رأت الساعه وجدت أن باقي علي رجوع حسين ساعتين


قامت جري أخدت ولادها في حضنها وحمتهم وغيرت لهم واتكلمت معاهم بحب واتفقت معاهم اللي هاينضف معاها له حاجه حلوه




ووجهتهم يعملوا إيه بالبظبط وراحت المطبخ تحضر الغدا حطته علي النار وراحت تكمل تنضيف البيت

خلصت وأعطت ولادها الحاجه الحلوه اللي وعدتهم بيها وطلعت جري علي الحمام استحمت وسرحت شعرها وغيرت ملابسها وبحثت عن سجادة الصلاة اللي كانت خلاص اشتكت من هجرانها وصلت لأول مره بروح تانيه غير كل مره


جلست مع أولادها تلعب معهم وحست احساس غريب لأنها أول مره تجلس كده مع ولادها تضحك وتلعب




كانت فرحانه وفي نفس الوقت زعلانه علي كل الوقت اللي ضيعته علي نفسها وأولادها وزوجها


ورأت الفرحه في عين الأولاد ومش مصدقيين اللي بيحصل


مر الوقت ودخل حسين وهو متوقع الروتين اليومي



لكن اتفاجأ وجد البيت نظيف وريحته عطره وريحة الأكل جميله جوعته اكتر ومفيش صرخ والا بهدله وحنان مش قدام الكمبيوتر

قال أكيد احنا عندنا ضيوف


وقبل ما يفكر وجد حنان خارجه هي وولادها وكلهم في كامل اناقتهم وراحوا يسلموا عليه ويرحبوا به


حنان قالتله حمدا لله علي السلامه


حسين : الله يسلمك ومش مستوعب الموقف راح قالها إحنا عندنا ضيوف والا منتظرين ضيوف ؟


حنان :يعني هو احنا ما نكونش كده غير بالضيوف

حسين : ايوه هي دي الحقيقه
رجعت حنان لعادتها القديمه وكانت هاتتخانق معاه وفي ثواني رجعت وافتكرت موضوع كيف تخنقين زوجك
قالتله لا يا حبيبي مفيش ضيوف
حسين : امال في إيه؟؟؟؟ إيه التغيير الجذري ده وقال في دماغه يعني كان لازم أزعق وأتخانق علشان تتغيري يا حنان خلاص عرفت مفتاحك وهو مش عارف إيه السبب الحقيقي
حنان قالت لنفسها : أكيد دلوقتي بيقول إني عملت كده لما زعق طيب أعمل إيه فيه أروح أخنقه بجد
قالتله طيب ياله الأكل هايبرد ادخل خد دوش بسرعه علشان جعانين قوي ومنتظرينك ناكل معاك
حسين حاسس إنه في عالم تاني ومتفاجئ باللي بيحصل وفضل واقف مكانه
حنان قالتله: إنت هاتفضل واقف كتير بأقولك جعاااانين وأخدت يده ومشيت معاه ودخلته الحمام ولما دخل لقي الحمام ريحته عطره ونضيف ومتحضر له غيار يلبسه
المفاجاه لجمته أكتر
وحنان قالت في نفسها انا حاسه انه قلبه هايقف من المفاجأه وضحكت
وحضرت الغدا وطلع حسين من الحمام بيضحك لأول مره من زماااان وجلسوا يتغدوا وهم بياكلوا ما كانش في كلام عن مشاكل والا أي شئ
واولاده وجدهم فرحانين ومبسوطين وهو مش مصدق نفسه خالص





حسين : قوليلي بجد يا حنان هو في إيه ؟ إيه سبب التغيير الكلي ده ؟


حنان : قالتله هاه هاتسكت والا أرجع تاني ؟


حسين : لا الله يكرمك هاسكت خلاص و حط إيده علي فمه رمز للسكوت

ضحكت حنان وقالتله: اصل إنت لما خرجت وخبطت الباب قلت لازم أعذبك شويه وأعرفك إن مش هاتلاقي مثلي أبدا
قالها : أموت في العذاب اللي من النوع ده عاوز اتعذب صبح وليل
ضحكوا معا وخلصوا الغدا وشالته وحضرت له الشاي
ودخلت جلست معاه عند التليفزيون يشوفوا الاخبار واتكلمت معاه في أحوال الدنيا لأول مره





قاموا يصلوا العشاء وراح حسين يشوف الاحوال علي النت شويه


ودخلت هي شافت إيه اللي وراها وحضرت لحسين طقم يروح به الشغل تاني يوم والولاد كانوا في غرفتهم بيلعبوا


ولأول مره لم ينزل حسين لصحابه وجلس بالبيت



خلصت اللي وراها وراحت عشت الأولاد وغيرت لهم ونيمتهم

و عملت حاجه حلوه تقدمها لزوجها وهي واقفه سرحت وافتكرت في الوقت ده كانت بتعمل إيه


وإيه المتعه اللي كانت مضيعاها علي نفسها


وحمدت ربها إنها فاقت قبل فوات الأوان

ودخلت الحمام أخدت دوش وغيرت ولبست قميص نوم من اللي نسيت بيتلبسوا كيف وسرحت شعرها وحطت مكياج خفيف وأخدت الحلويات وطلعت لزوجها عند التليفزيون
حكاايات حنان رمضان
حسين برق عينه وألجمته المفاجأة
حنان: اتفضل يا حبيبي دوق كده وقولي رأيك وحطت قطعه في فمه





أكل حسين وهو مثبت نظره علي حنان قالتله : في إيه هاتاكلني بعينك


رد وقالها: إنتي مين بالظبط إنتي حنان مراتي اللي متزوجها من 10 سنين والا واحده تانيه


ضحكت وقالتله: أنا حنان مراتك بشحمها ولحمها

قالها لا مش مصدق حاسس إني باحلم راحت خابطاه علي رجله وقالتله علشان تعرف إنك مش بتحلم
ضحكوا وكانت ليله جميله حسين هايحلف بها طول عمره








لانه يا عيني ماشافش كده من يوم ماتزوج


جاء معاد نومه ونامت معاه حنان وظبطت المنبه هي لأول مره علي موعد صلاة الفجر


حنان صلت الفجر وبحثت عن مصحفها الذي علاه التراب ونفضته وقرأت لأول مره جزء بعد الصلاه

واقترب موعد استيقاظ زوجها قامت حضرت الفطار والشاي وصحت حسين

حسين صحي من النوم وهو فاكر إن اللي حصل امبارح ده كله كان حلم

لكنه اتأكد إنه حقيقه لما رأي حنان هي اللي بتصحيه ومجهزه الفطار واللبس وملمعه الحذاء ومظبطه كل شئ


حسين صلي ركعتين شكر لله وقال ياربي لك الحمد علي نعمتك علي


وبكده فاقت حنان واتغيرت وأصبحت واحده تانيه خالص


حكاايات حنان رمضان


ياريت تكون دي رساله لكل زوجه مهمله لبيتها وزوجها ولنفسها قبلهم

كل واحده مننا فيها جزء من حنان
الماهره هي من تفوق قبل فوات الأوان وقبل أن تندم وقت ما ينفع الندم وتفوق من غيبوبتها علي زوجها متزوج من غيرها تريحه و تقوم بحقه
وتذكري حبيبتي إن وفيتي حق ربك ستوفي حق نفسك وحق غيرك
حكاايات حنان رمضان
وإليكِ غاليتي بعض المواضيع التي تفيدك
ابدئى التزامك من جديد وجددى ايمانك ب 12 خطوة عمليه
تعالوا نتعلم الصلاة كما صلاها النبي صلى الله عليه وسلم ؟؟ بالصور
دورة فن التعامل واحتواء المشكلات الزوجية








أرجو من الله أن تكون كلمات نافعه ومفيده لكل من تقرأها


ولا تنسوا هذه أول حكاية من حكايات حنان


انتظرونا مع باقي حكايات حنان في رمضان

حكاايات حنان رمضان

موعدنا اليوم مع الحكاية الثانية من
حكايات حنان فى رمضان
خرج حسين للشغل وحنان تجولت في بيتها وقالت لنفسها سأقوم بتنضيف البيت اليوم لكي يكون في منتهي النظافة


وبدأت تنظيف ومسح وفت


حت النوافذ كلها ودخلت الشمس لاول مره للغرف
شعرت حنان أنها ملكه تتجول في مملكتها

أنهت عملها وأيقظت أولادها وتناولوا الإفطار وجلست معهم بعض الوقت ثم تركتهم يلعبوا
دخلت المطبخ تجهز الغداء

ثم دخلت أخذت دوش وبدلت ملابسها قبل وصول حسين بفترة
[img][/img]

الظهر أذن لأول مره لا يعلي صراخ حنان وكانت مبتسمه عندما رأت أولادها يلعبوا بهدوء وهي مراقبه أفعالهم وبيتها نظيف وأكلها جاهز وهي مش منكوشه ومتبهدله
إنما مثل الملكه منتظره ملكها
حنان : باقي دقائق علي وصول حسين و لسه ما حضرت السفره
لأنها تريده يدخل يجد السفره جاهزه وتمام
قالت: أحضر السفره بسرعه وبعدين أصلي لأني لو صليت الأول ممكن حسين يرجع قبل ما أخلص
بسرعه طارت علي المطبخ وبدأت في وضع الأكل علي السفره وخلصت ودخلت تتوضأ للصلاه

اتفتح الباب وحسين دخل فتركت الوضوء بسرعه وراحت تجري علي حسين وتستقبله

حسين طول اليوم كان فرحان من التغيير اللي حصل لحنان
وراجع مبسوط للبيت لأول مره واشتري فاكهه وحلويات
قابلت حنان حسين بكل الحب والترحيب وهو كان بيضحك و اعطاها الحاجات اللي اشتراها
دخلتها المطبخ وتركتها في أكياسها ورجعت بسرعه لحسين
حسين غير ملابسه وجلسوا يتغدوا كلهم وبعد الغدا قالها هاتي حاجه أحلي بها بعد الغدا
دخلت حان وفتحت الاكياس وجدت الفراوله يا عيني خلاص من الحر وكتمة الكيس إستوت علي الآخر وأصبحت عصير


حنان : يانهار أبيض يا حسين الراجل ضحك عليك وباع لك فراوله بايظه
حسين : بايظه إزاي يا حنان أنا مختارها بإيدي واحده واحده
ودخل المطبخ واتصدم من المنظر
وقال لها حرام عليكِ أنا راجع فرحان ومبسوط ومختارها واحده واحده علشان خاطرك
ترك حسين المطبخ وهو غضبان ودخل نام
جرت حنان وراءه تحاول تصالحه من غير فائدة

دخلت حنان غرفة الأولاد وأخذت تبكي وتقول بعد ده كله واللي عملته يعمل معايا كده
إيه اللي حصل يعمل بسببه ده كله فيها إيه لما تبوظ شوية فراولة غصب عني
هو أنا كنت أقصد ؟؟؟؟؟
ومر الوقت وأذن العصر
حنان : يا نهار أبيض العصر أذن ونسيت أصلي الظهر
لا حول و الا قوة إلا بالله
( عرفتي يا حنان سبب اللي حصل )
إنتي حاولتي جاهده إنك تؤدي حق زوجك ونسيتي حق من خلقك وخلق زوجك


عرفت حنان فين الغلط ومسحت دموعها وقامت جري توضأت وصلت الظهر اللي فاتها والعصر ودعت الله عز وجل أن يبارك لها في زوجها وأولادها
أيقظت حسين لأن موعده اقترب
قام حسين وافتكر ما كان قبل نومه وكان غضبان
حاولت حنان أن تسري عنه وتنسيه غضبه وعملت له كوب شاي تمام شربه وذهب للشغل

حنان ذهبت لأولادها وجدتهم يلعبوا , قالت لنفسها أدخل شويه علي النت أشوف شئ جديد وبعدين أدخل اشطب المطبخ واغسل المواعين
فتحت الجهاز ولفت شويه في المواضيع
و جري الوقت بها بدون أن تشعر وعاد حسين
قامت حنان جري من أمام الجهاز واستقبلت زوجها حسين بابتسامه وترحيب بعودته مع إنها كان نفسها يتأخر شويه لأنها كانت بتقرأ موضوع جميل

أسرار من حياتى جعلت زوجى لا يتحمل الابتعاد عنى تابعينى


جذبها الموضوع وكان نفسها تخلصه لكي تقوم بتطبيق ما فيه

لكن حسين رجع وضيع عليها كل شئ
دخل حسين الحمام أخذ دوش ودخل كعادته ليري الأخبار

حنان دخلت عملت كوب شاي لحسين وأحضرته له ثم همت بالخروج لتشطيب المطبخ الذي نسيتهوهي أمام الكمبيوتر

حسين : إجلسي معايا يا حنان مثل أمس
حنان : حاضر يا حبيبي وقعدت وفضلت تفتكر أى حركه من الموضوع وعملتهم
حسين كان سعيد بحنان وحركاتها وشكلها الجديد
وفي وسط سعادتهم معدة حسين أعلنت العصيان
حسين : فين العشا يا حنان انتي نسيتيه والا إيه
حنان : أيوه حاضر ثواني يكون جاهز
دخلت حنان المطبخ وطبعا ما كان في أى شئ جاهز

اتأخرت في المطبخ وحسين لما مل من الانتظار قام جلس أمام النت شويه يضيع وقت الي ان تنتهي حنان

وبعد نصف ساعه خلصت حنان العشا وحضرته أخيرا

جلسوا يتعشوا كلهم وفي وسط العشا
حسين : عملتي إيه يا حنان من بعد ما خرجت ؟
أنا شايف المطبخ مثل ما تركته وحتي العشا ما جهزتيه والأولاد مع نفسهم وملخبطين غرفتهم مثل زمان
هي ريما رجعت لعوايدها القديمه وحنان رجعت لكسل زمان !!!!!!!!!!!!


حنان : ليه بس يا حبيبي بس كنت بابحث عن شوية حاجات علي النت تنفعني في التنضيف
حسين: طيب يعني خلاص بحثتي ربنا يوفقك وقالها بتهكم وسخريه

خلصوا عشا وكانت حنان خلاص مش قادره تفتح عينيها

صاحيه يا عيني من الفجر وخلاص مش قارده ونفسها تنام

حنان: حسين هاتنام والا لا ؟
حسين : لا لسه بدري يا بنتي انتي هاتنامي !!!
حنان : أيوه خلاص مش قادره افتح
وقبل ما حسين يرد عليها كانت حنان علي السرير وفي سابع نومه

حسين يكلمها ومفيش إجابه قام وجدها نامت , ضرب كف علي كف وقال يا فرحه ماتمت
سهر شويه يتابع الأخبار ودخلوا الأولاد يناموا ودخل هو أيضا ينام

الفجر رن جرس المنبه ليعلن موعد الصلاه
استيقظت حنان وقامت صلت وقالت هانضف المطبخ قبل ما يصحي لكي يعلم إني ست بيت ماهره

دخلت المطبخ نظفته وحضرت الفطار وجاء موعد إيقاظ حسين , أيقظته وفطر وذهب لشغله وهو خارج أخبرته بالطلبات المطلوبه منه
وجد ورقه طويله عريضه فيها كمية طلبات كتيره

حسين : ليه ده كله يا حنان انتي داخله حرب؟؟؟
حنان : دي منظفات هاتساعدني في التنضيف مش انت عاوز البيت بيلمع ؟؟
حسين المغلوب علي أمره خرج وقالها ماشي يا حنان

بعد ما خرج حسين قالت حنان لنفسها : البيت نظيف مش محتاج تنظيف تاني وعندي أكل من أمس أدخل أنام شويه وبعدين أقوم
دخلت نامت وغرقت في النوم واستيقظت علي صوت حسين
حنان : معقوله انا نمت كل الفتره دي ؟؟؟
أسرعت لخارج الغرفه وجدت حسين بيكلم أولاده : هي أمكم ياولادي مش عارفه تكمل فرحتي يومين علي بعض !!!!
حنان : معلش يا حسين انا وجدت البيت نضيف والأكل جاهز قلت أنام شويه وبعدين أقوم ماعرفش إني هانام كل الفتره دي
ثواني يكون الأكل جاهز أصلي الظهر بس وأجهزه
حسين ماشي يا حنان بس ياريت تجهزي الأكل الأول لأني ميت من الجوع
حنان : لا يا حسين معلش امبارح عملت كده واتخانقنا فاتعلمت أن الصلاه أهم
حسين : بركاتك يا ست الشيخه , أنا ما نهيتك عن الصلاه أنا بأقول جهزي الأكل وصلي علي طول
ربنا قالك تنامي وما تجهزيش الأكل وتتركيني جوعان
وكان حسين هايتنرفز
حنان لحقت نفسها بسرعه وقالت له حاضر خلاص ثواني ويكون جاهز
هي فكرت وهو بيتكلم وقالت لنفسها كده هاتحصل مشكله من غير سبب وربنا هداها إنها تدخل تحط الأكل علي النار وتتوضأ علي ما يكون الأكل إتسخن تجهز السفره بسرعه وتدخل تصلي
وكده يكون كله تمام
وأنقذت نفسها من خناقة مع حسين لو كانت أصرت علي كلامها معاه

( يعني بلاش الشد والجذب مع أزواجنا ونحاول نكون لينين إذا هم شدوا , وما نعملش مشكله من غير مشكله , نتريث وبالراحه نفكر في الموقف ونحاول نطلع منه بأقل الخسائر )
دخل حسين نام بعد الغدا وحنان جلست تفكر شويه مع نفسها
قالت خلاص مش هافتح الكمبيوتر النهارده خالص وأخلص كل اللي ورايا
وفعلا بعد ما حسين خرج مسكت نفسها بالعافيه عن الكمبيوتر والنت
وخلصت شغل البيت كله وحضرت العشا وكانت ليله جميله مرت بسلام
تاني يوم قررت انها لا تنام بعد ذهاب حسين للشغل
وفعلا دخلت المطبخ حضرت فطار للأولاد وأيقظتهم وفطرتهم و حضرت الغدا وكله تمام ومر اليوم أيضا بسلام
ظلت حنان اسبوع كامل علي هذا النظام تستيقظ الفجر وتظل طول اليوم تعمل في بيتها الي منتصف الليل عندما تذهب للنوم هي وحسين
كان حسين في قمة الفرحه فالوضع تغير نهائي وأصبح البيت تحفه والأولاد دوما في غاية النظافه وكل شئ في البيت تفوح منه رائحه زكيه ومنظم ومرتب
وفي نهاية الاسبوع أصيبت حنان بالتعب والارهاق وظلت يومين في السرير لا تستطيع الحراك
وعندما تعافت وجدت البيت راساً علي عقب وقالت يا تعبي اللي راح أدراج الرياح
راجعت حنان نفسها وجدت أنها عملت طول الأسبوع مثل طرازان
لا راحه والا استجمام

هلكت نفسها وأتعبت جسمها ثم ضاع كل شغلها عندما مرضت ونامت في السرير
كانت حنان ولأول مره منقطعه عن عالم النت لمدة أسبوع فأخذها الاشتياق
فتحت الجهاز و دخلت النت وظلت تقرأ في مواضيع كثيره إلي أن وجدت موضوع
ليبقى منزلك دوووووما نظيف ((شرح + صور ))
أخذت حنان تقرأ الموضوع وعلمت أين هو الخطأ الذي وقعت فيه
فهي فعلا أهلكت نفسها بدون فائده
ولم تتبع نظام معين وكان كل شغلها عشوائي

فبحثت أكثر وجدت موضوع فيه نصائح جميله عن كيفية التنظيف
ملف كامل لتنظيف وترتيب وتنظيم المنزل
وأخذت تتجول في مواضيع القسم
احلى الساعات لترتيب وتنظيم منزلك
ووجدت فيها غايتها
وأكثر شئ عرفته حنان إنها تحتسب عملها في بيتها وتبتغي منه الثواب من الله عز وجل
ولا يكون فقط من أجل إسعاد زوجها وإنما أيضا أن تكون هي سعيده ببيتها ومملكتها
قررت حنان تنظيم وقتها وقامت بعمل جدول للتنظيف
أحضرت دفتر وقلم وكتبت فيه كل ما تقوم فيه في بيتها ووزعته علي أيام الاسبوع
وهكذا لن تهلك نفسها في تنظيف البيت كله يومياً
وأيضا كتبت ما ستقوم به يومياً وأسبوعيا وشهرياً
وقررت أن تنظم نومها وأن تنام قليلاً بعد الظهر مع حسين ولا تكثر في القيلوله
وبهذا لن تكون متعبه من الاستيقاظ طول اليوم وتجدد نشاطها بعد القيلوله
وأهم شئ تعلمته حنان هو معرفة الأولويات
تقوم بعمل الأهم ثم المهم
مثلاً
تريد الجلوس أمام النت ولديها بعض الأعمال لم تنجزها
الأهم هو إنجاز الأعمال تنجزها ثم بعد ذلك تتجول في عالم النت قليلاً ولا تجعل الوقت يمر منها ويكون هناك مده محدده له
وفي ظل كل هذا لا تنسي أبداً الإهتمام بصحتها وجمالها
دخلت قسم
احلى ساعات الجمال
ونقلت منه مجموعة وصفات لكي تقوم بعملها أثناء وجود حسين في الشغل
ووضعت في جدولها وقت لأولادها تعلمهم فيه شئ جديد ووقت للعب معهم
وأيضا وقت لنفسها تقرأ فيه وردها اليومي من القرآن وتحفظ شئ ولو يسير منه
ومن اليوم التالي بدأت حنان في تنفيذ ما خططت له
ومر الاسبوع رائع وجميل ولم تصب حنان بالتعب والإرهاق وصلتها بربها تحسنت جداً وأصبحت بشرتها جميله
وبيتها منظم وأولادها تعلموا أشياء جديده وحسين أصبح زوج سعيد

أكيد منا كثيرا غلطت نفس غلطة حنان وأهلكت نفسها وصحتها في تنظيف وترتيب البيت طول الليل والنهار
وأهملت نفسها في سبيل أن يكون البيت نظيف
الإعتدال جميل لا نترك البيت رأساً علي عقب ولا نهلك أنفسنا
وكما لبيتنا علينا حق فلنفسنا علينا حق والأهم لربنا علينا حق
أرجو من الله أن تكون كلمات نافعه ومفيده لكل من تقرأها

ولا تنسوا هذه ثاني حكاية من حكايات حنان



انتظرونا مع باقي حكايات حنان في رمضان