عانس .... اللقب ده بيضايقك .. طيب أدخلي هنا يمكن تغيري رأيك ...

أولاً أحب أرحب بكل من نورت موضوعنا
ثانيًا أحب ارحب بكل أخت تحمل هذا اللقب
طيب طيب... متزعليش أنا مقصدش ... ما أنا كمان أحمل هذا اللقب .. بس سعيدة وأفتخر
أنا سامعة واحدة منكم بتقول دي عبيطة ولا إيه ..لا ياستي انا مش عبيطة
بس أستني هقولك .. أنت مستعجلة كده ليه.. صبرك بالله
أنا حولت الكلمة دي لمعادلة جميلة ومن ساعتها وأنا سعيدة ومبسوطة وفخورة بإني عانس
بردو بتقول سعيدة ومبسوطة
أستني شويه يا أختي أنت مستعجلة كده ليه ما أنا جيالك في الكلام
الكلمة دي مكونة من أربع حروف
عانس
طيب تعالي نشوف المعادلة
ع= عبادة لله
ا= إيمان بالله
ن= نجاح في الحياة
س= سكينة قناعة بما قسم الله
ودول كلهم = سعادة ورضا
يبقى ليه أزعل وأغضب وأنا عايشة كده في خير

أنا زي بنات كتير الكلمة دي كانت بتستفزني جدًا

وكمان كنت بتضايق جدًا لما أكون في أي مناسبة أو
تجمع عائلي او غيره وتقرب مني واحدة وهي بتمصمص في شفابفها -قال يعني
صعبانة عليها- وتقولي : هو مفيش حاجة كده ... أو تقولي أنت مش ناوية
تفرحينا بقى .. ولا تقولي ربنا كبير وعنده كتير يا حبيبتي متزعليش
طبعًا أنا كنت بعمل كدهلكن من جوايا بكون عاملة
كده

المهم أنا والحمد لله قارئة للقرآن وبحاول أتدبر
معانيه .. وكنت بقف كتير عند بعض الآيات وأقول لنفسي إن الآية دي بتكلمني
مثلا قول الله - تعالى - " ..... وعسى أن تكرهوا شيئًا وهو خير لكم وعسى
ان تحبوا شيئًا وهو شر لكم والله يعلم وأنتم لا تعلمون " يا سلام يعني اللي
أنا فيه دلوقتي خير مش شر لأن ربنا هو اللي أختار لي وهو أعلم بالخير لي
وليكم
مش عيب ولا حرام إننا نتمنى وندعو الله إنه يرزقنا بأزواج صالحين
لكن العيب ولاحرام إننا نوقف حياتنا على الموضوع ده
وتقعد الواحد تندب حظها وتقول أنا ليه بيحصلي كده .. كل ما يجي لي عريس
يطفش وميرجعش ... أه أكيد انا معمولي عمل على رجل نملة ولا سحر ميتفكش إلا
لما ندبح ديك يتيم والكلام ده ... أنا مؤمنة إن فيه سحر لكن .. اسمعي معاي
كده قول الله - تعالى - " واتبعوا ما تتلوا الشياطين على ملك سليمان وما
كفر سليمان ولكن الشياطين كفروا يعلمون الناس السحر وما أنزل على الملكين
ببابل هاروت وماروت وما يعلمان من احد حتى يقولا إنما نحن فتنة فلا تكفر
فيتعلمون منهما ما يفرقون به بين المرء وزوجه وما هم بضارين به من أحد إلا
بإذن الله ....."
يعني اللي أحنا فيه ده بإذن الله

وكمان نسمع لقول الرسول - صلى الله عليه وسلم - : " عجبًا لأمر المؤمن إن أمره كله خير إن أصابته سراء شكر وإن أصابته ضراء صبر"
يعني لما ربنا ينعم علينا بنعمة لازم نشكر .. طيب وإن حرمنا منها نعمل إيه ..لازم نصبر

طيب ممكن تسألي نفسك السؤال ده
ليه ربنا حرمني من نعمة الزواج لغاية دلوقتي ؟؟
أرد عليك بقى
ربنا عندما يعطي للعبد أو يحرمه يكون ذلك لحكمة إلهية
لكن بشء من التدبر والتأمل نستطيع أن نتعرف على هذه الحكمة
فإن العبد يبتلى على قدر إيمانه
والابتلاءات مختلفة فهناك من يبتلى بالمرض وهناك من يبتلى في دينه وهنلك من يبتلى بزيادة الرزق أو قلته
إذاً فإن الله قد ابتلانا فتعالي نحول هذه المحنة إلى منحة
إزاي
أولاً : بالتقرب لله بالطاعات والعبادات المختلفة كالصيام وقيام الليل
يا سلام على ركعتين بالليل في خشوع وتذلل لله والله خير من الدنيا وما فيها
ثانيًا : بكثرة ذكر الله
يقول الله- تعالى - في الحديث القدسي " من شغله ذكري عن مسألتي أعطيته أفضل ما أعطي السائلين "
ثالثًا : بالمشاركة في الأعمال الخيرية إن أمكن
رابعًا : بتلاوة القرآن وحفظه وتدبر معانيه
خامسًا بالصبر : فالله يحب الصابرين
واعلمي أن من رضي فله الرضا ومن سخط فله السخط
وتذكري حبيبتي إن هناك متزوجات لا يستطعن عمل هذه
الأشياء بسسب كثرة المشاغل مع الأولاد والزوج وعير ذلك من أعباء منزلية ..
فأنت الآن في وقت فراغ لديك متسع من الوقت للتقرب من الله وتذكري دائمًا
قول الله - تعالى - " وما خلقت الجن والإنس إلا ليعبدون "
فعليك باسغلال وقت فراغك قبل انشغالك وقبل فوات الآوان
مش هطلب منكن التقييم بس هطلب منكن دعوة حلوة بظهر الغيب

اللقب ده فعلا وحش والمفروض يتلغى من حياتنا
يارب ماتوعدش اى بنت من بنات المسلمين بيه يارب
واصلح حال كل البنات عانس .... اللقب ده بيضايقك .. طيب أدخلي هنا يمكن تغيري رأيك ... 3980010459

عانس .... اللقب ده بيضايقك .. طيب أدخلي هنا يمكن تغيري رأيك ... 3980010459

ربنا يرزق جميع بنات المسلمين بالزوج الصالح امييييييين

بسم الله ما شاء الله اللهم بارك
والله موضوع اكثر من رائع
ربنا يكرمك ويرزقك الرضا والتقى والعفاف والغنى
:(

كلام جميل جداااااااااا يالبنى كل امر المؤمن خير

والدنيا دار ابتلاء ولابد ان نرضى بماقدرة الله علينا

سلمت يداك غلاتى

واللهم ارزق كل بنات المسلمين بالازواج الصالحين

جزاكى الله خيرا

اللهم ارزق كل بنات المسلمين زوجا صالح

بس اختى صدقينى ان الواحدة تقعد من غير زواج افضل بكتير من انها تتجوز واحد لايتقى الله فيها

وعسى ان تكرهوا شيئا وهو خير لكم

ماشاء الله عليكى وعلى عقلك انتى مينفعش اى حد يجوزك انتى عايزه واحد بجد وبدون مجامله يقدر العقل والحكمه والايمان ونحسبك عند الله خير :arrow:

اللهم ارزق بنات المسلمين الزوج صالح باتسلى

hfgddg

» حاسبي اختي انتي يمكن تكوني متراقبه تعالي اقولك تعرفي ازاي والله أعلم !!!!
» ماذا يمكن ان نعمل من الحجار
» طريقة انشاء مجلد مخفي لا يمكن اكتشافه
» ماذا يمكن للمرأة الحائض أن تفعله من العبادات في ليلة القدر ؟
» عسر الهضم ... معاناة في الصدر والبطن يمكن التخفيف منها بتناو