الحقونى قبل ما اتجنن

السلام عليكم يا بنات انا اول مرة ادخل معاكم هنا بس لما شوفت المنتدى و التجمع الحلو دا حبيت اقول مشكلتى اللى محيرانى بصى انا عاوزة منكم نصيحة و دعوة حلوة ارجوكم مش عاوزة هجوم نفسى حد يسمعنى من غير ما انكسف يمكن الكلام دا مش قادرة اقوله لحد بس حسيت انى فعلا مجنونة بصوا بقى انا ست متجوزة من زمن و عيالى فى بداية مراحل التعليم لسة شابة و جميلة مشكلتى بقى فى الفراغ العاطفى جوزى ربنا يهديه بيحبنى يمكن لحد دلوقتى مش متاكدة بس اهو هنقول بيحبنى مشكلتى معاه انه بارد فى عواطفه اوى استحالة يقولى كلمة حلوة ولا كلمة حب ولو موت ادامه من العياط ولا بيعبرنى انا بشر بحتاج كلمة حلوة و خصوصا ان انا لما بنزل الشارع بسمع كلام بالهبل عن جمالى و رشاقتى و طبعا احنا ستات و فاهمين يعنى ايه الكلمة الحلوة بتفرق معنا كتير بحزن اوى لما بسمع رجالة منبهرة بيا و جوزى بالنسبة له عادى جدا غصب عنى بقيت اتخيل اى راجل انه بيموت فيا و بيسمعنى كلام حلو انا مش مراهقة يا جماعة ولا حاجة بس نفسى احس انى ست من جوزى مش من الغريب لمحت له بدل المرة مليون انى محتاجة ودانى تتملى بكلمة حلوة و لما طنش طلبتها ببقى منه تخيلى لما اتحايل عليه و اقوله انت بتحبنى و ميردش اقوله ابوس ايدك قولى مرة كلمة كويسة اجبر بخاطرى انا بشر و دا ابدا تفتكرو لما بحلم باى راجل بيدلعنى ولا بيقولى كلام حلو ولا اضطر انى من جوايا اعجب بحد غير جوزى يبقى ليا ذنب انا حاسة ان حبى ليه مع انى بعشقة هيتقلب لكره لانه السبب انه مش مكفى احتياجاتى العاطفية ولا الجسدية
و ياريت تفهمو نقطة البيت و ةالعيال مش السبب فى كدة لانى موفرة له كل سبل الراحة بجد الناس كلها بتحسده على بيته وولاده و مراته اللى هو مش حاسس بيها انا خايفة انحرف يا ناس

حببتى مشكلتك في ستات كتير بتشتكى منها بس انا شيفة انة مفيش غير الحوار
ايوة كلمية وقوليلة دة غير بقى الاهتمام الزايد منك بالبس والكياج وغيرة طبعا وانتى فهمة علشان ينجذب ليكى حببتى ربنا يسعد ايامك وايامنا يا رب

وعليكم والسلام
اولا اهلا بيكى حبيبتى فى منتدانا كيداهم احنا هنا كلنا خواتك وتحت امرك فى ايه حاجه

بصى ياقمر جوزك من نوع الرجال اللي مش بيعرف يعبر عن مشاعره بالكلام

مش معنى كده ان مش بيحبك بالعكس ممكن يكون بيحبك اكترمن راجل تانى بيتكلم وبيقول بحبك فى كل وقت بس كلام
صدقنى الحب مش كلام لو على الكلام مفيش كتر ولااسهل منه
بس هواكيد بينو و بين نفسه بيحبك وبيموت فيكى ومنبهر بيكي وبرشقاتك وجمالك و مش بيقولك
و متقوليليش طيب ليه مش بيعبر و يقولي هو طبعو كده تركيبته كده
اوعي ابدا تبخلي علي جوزك بكلمه حلوه
و هديه احلي و دايما الحب و الحنان و العطاء اوهبي لجوزك كل حاجه تمتلكيها عمرك و قلبك و عقلك و جسمك و مالك

خليكي دايما بتدي ومتنتظريش انك تاخدي المقابل
طب انتى فكرتى انك تجبريه يصارحك بماشعره
ازاى
ممكن فى كل وقت تدلعى عليه
حسسيه انك انتى بنته وحبيبته فى نفس الوقت
حسي انك طفلة بريئة وبتعاكسيه
اتصلى بيه قوليه حبيبى وحشتنى وكده يعنى
حتى لو وهو لسه نازل
دلعيه وادلعى عليه
اسعديه بجمييييع الطرق
وصدقينى لما يحس هو بشوقك وبلهفتك عليه
صدقينى اقل كلمة
ان لما تقوليله وحشتنى بدلع وحب وشوق ولهفة هيرد عليكى بأكتر من كلمة
وربنا يسعدكوا ويسعد المسلمين اجمعين
اكثري حبيبتى من الاستغفار والدعاء وربنا يسهل اموركم و يصلح حالك ان شاء
بعد كل صلاة وفى صلاة الليل ادعى وقولى
م سخر لى زوجى وسخرنى لى
م اجعلنى قرة عين لزوجى واجعله قرة عين لى
ومتخليش الشيطان يلعب فى دماغك
وربنا يصلح حالنا وحالكم وحال المسلمين
اااااااااااااااااااااامين

اولااهلا بك فى المنتدى
ثانيا ياقمر استعيذى بالله من الشيطان الرجيم مش علشان جوزى مش بيقول كلمة حلوة اغضب ربنا

ثالثا يا حبيبتى فى رجالة طبعها العند فمتقليش له قولى كلمة حلوة بس صدقينى الاحساس بالحب افضل بكتير من انه يقول بحبك ايوه انا عارفة انك محتاجة تسمعى بس افرضى انه مبيعرفش يعمل ايه انت بقى ايه رايك يا حبيبى فى لبسى اعملى نيولوك واساليه ايه رايك
قولى له انت وحشتنى انا وحشتك بس اختارى الوقت المناسب
وصدقينى انا اعرف واحدة جوزها بيقول لها كلام رومانسي كتير بس مش حساها هى بتسمعه بس لما يجى ينفذ بافعال مافيش اى حاجة فى افعاله تدل على الحب زى ما بتقول ده حافظ مش فاهم
بتقولىانا حاسة انه عنده انفصال فى الشخصية على قد كلامه على قد اهانته لها وتجريحه لها وانه ممكن يبعها فى لحظة متهيالى انت متحبيش كده فاحمدى ربنا ولو هو ماقلش قولى انت وصدقينى حيبدا يتكلم من غير ما تلحى عليه

حبيبتى مش عارفة اقولك ايه بس دى فعلا مشكلة ومش عندك انتى بس ربنا يهديه ويحببه فيكى يارب وبتمنى ليكى السعادة ان شاء الله

حبيبتى اللة يعينك عليكى بالصبر لائن نص الرجالة كدة و انا كان جوزى كدة و لاكن مع العزيمة وضعى اللة فى قلبك اى حب تانى ضعيف امام حب اللة ثم فى حاجات كتير بتشغل النقطة الى تعباكى دى ونصيحة ما تركزيش مع جوزك فى تصرفاته وافعاله و كلاامه علشان كده انا خايفه عليكى من المرض والكئابه و اشغلى نفسك بسعادته وسعادة اولادك وبكره ان شا اللة مع الدعاء وكثرة الاستغفار هيهون عليكى ال انتى فيه والمثل بيقول اسئل مجرب ولاا تسئل طبيب وده امتحان  من الله علشان يشوف قوة ايمانك