محتاجه افضفض معاكم اوى

السلام عليكم
كل سنة وانتو طيبين والسنة الى جاية
نكون على عرفات سوا وكل واحده هنا
تحقق الى بتتمناه اللهم اااااااااااااامين
طبعا نسيتونى وده حقكم بس عدم دخولى
غصب عنى واللهى ربنا هو الى عالم بظروفي
اللهم لك الحمد
المهم يابنات عيزاكم توسونى على الى انا فيه
هرغي وهتكلم ويارب محدش يزهق منى
انا ابتديت من تقريبا اكتر من 20 يوم او شهر
علاج لعمليه الحقن المجهرى كتير منكم عارف
تعبها سواء النفسي او البدنى غير التكلفه الحمد لله
توكلت على الله وخدت العلاج ومن اول يوم علاج وانا
تعبانة وزهقانة مخنوقه على قرفانة بس كنت بقول يارب
قوينى على الى انا فيه وكملى العمليه على خير لانى محتاجه
الامر ده جدا ومحتاجه ادخل السرور على قلب امى اوى اوى
والحمد لله كملت العلاج وعملت العمليه يوم السحب بتاع البويضات
عدى على خير وروحت بيتى كويسه جدا وزى الفل لمده يومين وروحت تالت
يوم لترجيع الاجنة بســـــــــ.....كنت رايحه تعبااااااااانة جداااا مش عارفه اخد نفسي
عندى دوخه وبطنى تعبانى ومش عارفه اعد حاسه ان بطنى فيها بلونة قلت عوضي عليك
يارب وجيه في بالى ان الرحم ملا مايه مكان العمليه مع انى اتهريت محاليل قبل العمليه
عشان الرحم ميعملش مايه وتعبت اكتر وانا في انتظار دورى عشان ادخل ارجع الاجنة
وطلبنا دكتور وجالى ودخلت العياده وعملى سونار وقالى ان الرحم مفيهوش اى مشكله
وطلع ضغطي واطي شيوية بس قلولى ان المبيض عندي حجمه كبر وهو الى تعبني....
رجعت الاجنة ورجعت بيتى بالسلامة ويااااااه على الى شوفتها من يومها لحد النهارده
[color=blue][عارفه انى رغيت كتير بس استحملونى بجد مخنوقه اوى/color]
ابتدا التعب ومبقتش عارفه انام ولا على ضهرى ولا جمبي ولا اقوم ولا اعد ولا اى حاجه
ولا اكل ولا شرب كل الى حساه ان بطنى فيها بلونة ومش قادرة عديت 3 ايام وكل الى
انا بقدر عليه انى بنام وانا اعد ومرجعه ضهرى لورا على كنبه الانترية بتاعى واللهى العظيم
صبرت ال3 ايام وجيت خلاص فاض بيا من 4 الفجر وانا بعيط اتصلنا بالدكتور على الضهر
قالى تعالى نزلت وتوكلت على الله ومن اول مركبت التاكسي وانا بقيت حاسه ان روحى بتطلع
وكل الى قدرت اعمله قلت لامى انا هيغم عليا وفعلا ده الى حصل غيبت عن الوعى ومحستش بحد
ومفيش محاول نفعت تفوقنى غير انى برجع ومفيش اى حاجه راضيه تخرج من معدتى وفضلت على الحال
ده يغم عليا وافوق ومحاوله للترجيع تقريبا ساعه الطريق كان زحمة اوى اوى وعلى موصلنا للدكتور
واول موصلت دخلت للدكتور وقالى لا ده طبيعي طبعا عارفين هدوء الدكاترة المستفز ده وقالى اشربي
سوايل واهتمى بالاكل وكان برضو الضغط واطى جداا وخرجت من عنده ووقعت تاااااااااانى اغم عليا
وهو خرج وقال انى لازم اروح مستشفي وفوقت بالعافيه وروحنا اقرب مستشفي هى بتاعت ولاده
وهو بيولد فيها بس مستشفي زباااااااااااله اولا مفيش حاجه اسمها دكتور استقبال كل الى موجود 3 تمريض
ربنا يهديهم ويصلح حالنا وحالهم دخلونى غرفه معفنة بمعنى الكلمة كئيبه جدااا جيت انام على السرير
لقيته من غير ملاية واتريقت عليا لما قلتلها هنام ازاى [color=green][عارفه انكم هتستغربو من كلامى وتدقيقي
في حاجه زى دى انا بس بحكيلكم البهدلة والذل الى شوفته الايام دى لان كل حاجه اثرت فيا جداااا حتى لو بسيطه/color]
والممرضه جت تحطلى الكلونة الى جوزى نزل اشتراها هى والمحلول واللاج المطلوب قلتلى نبضي ضعيف ومفيش
اى وريد فضلت تحاول بمنتها الغباء وحتطلى الكالونة وخلاص والوريد هرب اكتر المحلول نزل بين الجلد
واللحم وايدى ورمت وصوابعي ازرقت وتاوح ومش عايز تشيلها اتصلت بالدكتور بتاعى قلها شيلي الكلونى وانا جيلها
فضلت مستنياه من الساعه 2 الضهرلحد 8 المغرب كنت فوقت وبقيت احسن وطلبت انى اروح او اروح اى مكان تانى
وهو روحنى وكتبلي علااج جديد والحمد لله بس برضو انا تعبانة ونفس القصة مش بعد ولا بنام الا بقدر الله .......
وجيت في اليوم السادس من ترجيع الاجنة ضهري بيوجعنى بجنابي الاتنين من عند مكان الكلى مش وجع
لا ده كانى روحى بتطلع منى اتصلت بالدكتور بتاعى قالى عادى اشربي سوايل وخدى مسكن استحملت يوم بس
مقدرتش وروحتله ووانا بلبس عشان اروحله لقيت نقطه دم.................!!!!!دم نزل عليا دم مش هعرف اوصفلكم
احساسي وشعورى وقتها كان نفسي يغم عليا ومشوفش المنظر ده ونفسي احس انى بحلم لالالا طيب ايه ده؟؟؟؟؟
وروحتله وقالى ان في صديد على الكلى واشرب سواسل والكلام بتاع الدكاترة وابقا اعمل تحليل بول مع انى مش
حاسه ان وجع جنابي ده من الصديد بس مش دي كانت مشكلتى وقتها كانت مشكلتى الدم..................
وهو قالى ان ده عادي نزول نقطتين دم وسالته انت شايف الاجنة اخبارها ايه؟؟؟؟قالى مش بيبان!!!!!!
طيب ازاى يا جدعان امال بيبان امتا ؟؟مرضيش يريحنى وروحت بيتى وحاسة ان قلبي مكسور اووووووى....
المهم برضو تعبانى بسبب جنابي جيت بقا يوم الوقفه من المغرب كده لحد تانى يوم العيد وانااااااا.........
حرارتى فوق ال39 ومش بتنزل يالهوى حراره عاليه كده ازاى تفضل والمفروش انى حامل يعنى......
والدكتور قال عادي بسبب الصديد وقال لجوزى على ابر لتخفيض الحراره طيب يا سيدي انا محتاجه اروح مستشفي
اروح المركز الى عملت فيه يقوله السخونه ملهاش علاقه ولا بالنسا ولا بالعمليه طيب يا ناس يا دكتورى يا بنى ادم
ازاى تسيب حرارتى عاليه كده وانا المفروض خرارتى جسمي متعلاش خاااااالص ولا الابر ولا اى مخفض ولا
الدش الساقع ولا الكمدات نزلتلى درجه من حرارتى فضلت يومين كده ومفيش مستشفي فيها دكتور متخصص
كله استقبال وخلاص طيب ابهدل نفسي فين في اول يوم العيد وغير كل ده المصاريف الى صرفتها صرفت فوق
ال15 الف جنيه ياربي على العلاج والعمليه بس لا حولا ولا قوة الا بالله وفي الاخر الدكتور قال لجوزى على
اسم مضدد حيوي الف!!! اخده مؤقت عشان الصديد يالهوووووى 1000 اه الف عليا في تعبي وفي حالتى
ويمكن ده الى فوقنى شيوية وخلانى احسن النهارده الحمد لله بس حاسه بكسرة في قلبي والدم لحد الان موقفش
وعوضي عليك يارب بس تعبانة اوى لسه جسمي تعبان اوى ووشي الى لونه بقا اصفر بهتان من كتر التعب
والعلاج الى معدتى اتهرت منه والابر الى جسمي اتخرم منها اللهم لك الحمد
بس مش عارفه الى انا فيه ده كله حصلى ازاى مانا عملت العمليه دي قبل كده مرتين كنت بكون زى الفل
وبتحرك ولا كانى فيا حاجه مش عارفه بسبب ايه كل الى حصل ده
ولا اهمال دكتور فيا وتخليه عنى في وقت كنت ممكن اموت فيه واهماله لارتفاع حرارتى وهمه كله انها
مش في تخصصه والدم الى بينزل ويقولى عادي ووارد............وقال ايه بيقولى اعملى تحليل الحمل يوم الخميس الى جى!!
الى خلانى اكتبلكم هو انى اتخنقت من كتر منا ماساكته محتاجه افضفض والاقي حد يقولى معلش ويدعيلي
ان ربنا يرفع عنى البلاء ده واقوم من تعبي بالسلامه لانى تعبت خلااااااص
ويعوض عليا خيرا من الى فقته ............
اسفه لو طولت عليكم بس ملقتش غيركم افضضفضله واحكيله همى..........

لا اله الا الله
والله كسرتى قلبى
معلش حبيبتى الف سلامة عليكى
ان شاء الله ربنا حيعوضك خير
وربنا يكرمك بالذرية الصالحة من غير عمليات ولا وجع قلب
واسأل الله ان يجعل ما تعانين فى ميزان حسناتك
اللهم اميييييييييين

الف سلامة عليكى حبيبتى


ربنا يتم شفائك على خير و ميضيعش تعبك ولا فلوسك ويرزقك رية صالحة تكون قرة عين لك


اصبرى وادعى ربنا فى وقت السحر وهو ارحم بك من الجميع ان شاء الله

يا حبيبتى يا سوما ان شاء الله خير يا قلبى و متزعليش ولا تعلمى يمكن خير و خير كتير كمان يا حبيبة قلبى اللى حصل لك دا غلط من الدكتور انتى حصل لك تنشيط زايد و المفروض الدكتور المحترم كان جمد الاجنة لحد ما جسمك يستقر و تعدى مرحلة التنشيط الزايد دى و دا اللى بيحصل عند اى دكتور محترم الحمد لله انك عديتى منها على خير و ربنا يجعله فى ميزان حسانك قادر كريم بحق الايام المباركة دى انه يرزقك من فضله و يرضيكى من عنده بما يقر عينك و يفرح قلبك و يا سوما افتكرى كلامى اللى قلته لك قبل كدة نقى الدكتور و المكان مش اى دكتور نسلمه روحنا و نعمل عنده عملية زى دى مكلفة نفسيا و ماديا بشكل لا يطاق لكن قدر الله و ما شاء فعل و اعملى التحليل و ربنا معاكى ان شاء الله خير كبير كمان و تيجى تبشرينا

ربنا يرزقك الزوريه الصالحه يارب

جزاكم الله خيرا يا بنات على ردكم عليا
وكلامك الى بجد خلانى احس انى احسن
عملت التحليل وطلع مفيش حمل طبعا
الحمد لله على كل شئ
انا الاهم عندي دلؤتى انى ارجع زى الاول
وصحتى تبقا كويسة زى الاول
والحمد لله وربنا يرزقنى خيرا من الى راح
جزاكم الله خيرا على ردودكم عليا


ورده والله الحمد لله للاسف متعلمتش ان المركز ده مرتين
العمليه فيه منجحتش وكان لازم حتى اجرب اى دكتور غيره
من باب المعرفه بس هقول ايه قدرالله وماشاء فعل
وكل الى انا فيه ده يارب يبقا رفع درجات والحمد لله

ربنا يرزقك يا رب بالذريه الصالحه اللي تقر عينك انتي و كل مشتاق يا رب

ربنا يرزقك انتى وكل مشتاقة يا قمر بالذرية الصالحة عاجلا

اللهم آمييييييين

ربنا يشفيكى ويطمن قلبك ويجعل كل دة فى ميزان حسناتك اصبرى واحتسبى وكلة خير وحاولى تشوفى دكتور تانى غير الدكتور الغريب دة ولازم تاكلى كويس علشان المضاد الحيوى اللى بتخدية قوى جدا ربنا يخفف عنك يارب ويرزقك الزرية الصالحة وكل نساء المسلمين

معلش يا سومة ان شاء الله ربنا يعافيكى و يرزقك عن قريب باذن الله

يا حبيبة قلبى يا سوما

معلش حبيبتى الزواج مفيهوش راحة ربنا يقويكى على تعبك وبأذن الله نباركلك قريب بالحمل المريح

كلى كويس واختارى دكتور كويس زى ما قالتلك وردة العمر مش بعزقة يا بنتى

ووحشتيناااااا جدااااا ومفتقدينك وترجعلنا بالف سلامة قريب وتطمنينا عليك