طريقة عمل الريش المشويه

السلام عليكم

طريقة عمل الريش المشويه

المقادير

لمونه وفص توم وبصلتين متوسطين

ملح وفلفل اسود وزعتر

صويا صوص-خل تفاح-كاتشب-زيت زيتون-عسل ابيض

طريقة التحضير
هنجيب ورق زبده ونحط عليها الريش

وبتنى عليها ورق الزبده وأدق على الحتت اللى فيها لحمه بايد الهون او بمدق اللحمه



وبعدين هنفرم البصل والتوم سوا فى الكبه ناعم


وبعدين نحط عليهم بقية مقادير التتبيله كلها


ونتبل الريش كويس اوى ونقلبها فى التتبيله


ونغلف الطبق كويس جدا ونحطه فى التلاجه تقريبا 20 ساعه او 22 ساعه ممكن قبلها بليله
او ممكن ب 6 ساعات انتى وراحتك



هنجهز الشوايه هنفرد فيها كلها طبقتين فويل لانها بتتبهدل اووووووووووووى
وغسيلها بيبقى صعب هى ع البوتجاز من فوق



ونحط فيها مايه علشان تسوى اللحمه ع البخار ونقطع فيها شرايح لمون



ونبدء نشويها ونقلبها كويس علشان تستوى من كل حته
هنا حطيت الريش فى الشوايه وهغطيها لحد ماتستوى وكل ماالمايه تخلص ازود تانى


وبعد مااستوت خالص حوطيها فى طبق فويل ودخليها الفرن تحت الشوايه ممكن تعمليلها حتة فحم



وبالهنا والشفا

واااااااااااااااااااااو بجد تسلم ايدك