السلام عليكم ورحمه الله وبركاته
انا كنت بشتغل قبل كده يا بنات في صيدليه علشان اساعد في مصاريف البيت مع
امي وسبت الشغل علشان امي تعبت وكنت لازم اقعد معاها علشان اراعيها طبعا
المهم وانا شغاله كان في راجل كان بيعتبرني زي بنته ويجي كل يوم يسال عليا
ويسلم عليا وكان ممكن يجي يديني بلحه او لبانه الحاجات البسيطه دي
كانت معاملته ليا معامله اب لبنته وعمره مبصلي كده ولا كده بصراحه
المهم انا عملت حاجه غلط وعارفه اني غلطانه فيها هو طلب مني رقم التليفون بتاعي وانا والله بحسن نيه ادتهوله قولت ده زي ابويا
ورجل محترم المهم مكنش بيتصل بيا خالص ولا بيرن عليا نهائي
ومره غبت من الشغل علشان امي تعبت فاتصل وسال عليا
وحكيت لامي عنه قولتلها والله ياماما ده رجل غلبان اوي وطيب انا عمري محسيت ان في حد في مقام ابويا الله يرحمه زي الرجل ده
امي طبعا قلتلي مكنتيش تديله الرقم مهما كان وقلتلي خلاص مدام جيتي قولتيلي
يبقي انتي مبتعمليش حاجه غلط وقلتلي بس متكلمهوش تاني في التليفون قولتلها
والله ده اول مره يكلمني
المهم امي تعبت اوي فنا اضطريت اسيب الشغل خالص فاتصل بيا وسال عني وقلي طيب والدتك عامله ايه والف سلامه عليها
وقولت لامي ده اتصل وسال عليكي وعليا وقفل علي طول
وفضل يقولي ربنا يشفهالك يارب ويرزقك يبنتي بابن الحلال ويصلح حالك يارب وفضل يدعيلي فعلا والله حسيت كانه ابويا في كلامه
في يوم بقي لقيته بيبعتلي رساله بيقولي فيها
وحشتيني ياحبيبتي ونفسي اسمع صوتك
انا قريت الرساله ومسحتها بسرعه مكنتش مصدقه خالص
واتصل بيا قمت بهدلته وشتمته قولتله ايه الرساله اللي انت بعتها دي
مش عيب كده لما تبعتلي رساله زي دي انت فاكرني ايه
وانا اخويا شاف الرساله وخد التليفون مني ولو سمحت متتصلش هنا تاني
قلي والله العظيم انا بعتها لبنتي وانا اسف والله مهتصل تاني
وحسيت من صوته انه خاف وقفلت السكه في وشه
المهم الدكتور بتاع الصيدليه اتصل بيا وقلي معلش يا فلانه تعالي بس
اقفي انهارده يوم الجمعه بس وانا اسف والله ومعلش عندي حاله وفاه بالظبط ساعتين وهاجي
مراه اخويا ربنا يباركلها قلتلي روحي وانا هقعد مع ماما الساعتين دول
انتي برضو مشيتي من الشغل من غير متستاذني ومن غير متقوللهم يعملوا حسابهم
وشفت الرجل تاني وجه اتاسفلي وشاف التليفون في ايدي ما انا كدبت عليه وقولتله اخويا خد مني التليفون علشان ميتصلش
وقالي انا اسف يبنتي حقك عليا وممكن والله اجي اتاسف لاخوكي
قولتله لا خلاص وحصل خير وخلاص مفيش داعي
ومشي وبعديها بكام شهر كده قفلت الخط ده ممكن 6 شهور او 4 شهور المهم مده كبيره وافتحه الاقيه برضو بيتصل
مكنتش برد عليه كان يفضل يتصل كل يوم الصبح بدري
اتصل بقي من كام يوم كده قمت اديت لاخويا التليفون قولتله شوف الرقم ده مين اخويا قال الوالوالو مردش عليه وقفل
لا ببجاحته بقي لاقيته بيتصل تاني يوم وتالت يوم وانهارده كمان
اتنرفزت اوي منه وكنت هفتح عليه وهزاه والله بس مردتش قولت ده رجل كبير
انا عارفه انكم هتقولولي انتي غلطانه انك ادتيله رقمك اقسم بالله انا معترفه بغلطي انا فعلا غلطانه
بس فعلا الرجل ده كانت معاملته معايا اب لبنته يعني عمره مبصلي
بصه مش محترمه خالص
كان كل اللي بيعمله الجامع في وش الصيدليه يطلع منه بعد الصلاه يجي يقولي
سلام عليكم يبنتي ازيك وازي صحتك وربنا يرزقك بابن الحلال ويمشي وبس مش
اكتر من كده
بس من بعد مبعت الرساله وانا اتغظت منه اوي
وعارفه هتقولولي غيري الرقم ماشي الرقم مش فارق معايا خالص ممكن اغيره بس انا بصراحه عاوزوه احرجه واعرفه ان كده عيب
ده لو في دماغه حاجه اقوله انا اد ولادك
قولولي اعمل ايه معاه لو اتصل تاني اهزاه ولا اعمل ايه
وجزاكم الله خيرا
ياريت الردود بالله عليكم ميكنش فيها تجريح انصحوني بالحسنه ربنا يرضي عنكم اعتبروني اختكم وغلطت وانصحوها بالحسنه وشكرا ليكم
الرئيسية 
المنشورات 
28/2/2024, 4:12 pm
تاريخ التسجيل
عدد المشاركات
موضوع: رايكم ايه 
10/2/2012, 12:59 pm
