تفتكرو انا بيتهيالى

مشكلتي أني بحب زميلي في الشغل و هو كمان بس اللي قلقني أنو بيحبني بطريقة
صامتة عمرو ما حاول انو يحسسني بحبو ليا بس مواقف كتيرة من غير قصد منو
هي اللي خلتني اتأكد من شعورو ناحيتي ده حتى فيه بنات بيشتغلو معايا لاحظو
كده و لمحولي مش عارفة صمتو ده حيفضل لحد امتى خصوصا انو في عريسين تقدمولي
و انا رفضتهم علشانوأحيانا بقول انو يمكن عشان فيه فرق تعليمي بيننا عشان
انا باحضر رسالة الماجستير وهو عنده شهادة ليسانس و ماتوفقش في الماجستير
بس بارجع و بقول ده مش سبب مقنع و للامانه انا نفسي واخذه نفس الموقف ومش
ببينلو حاجة وبتعامل معاه عادي بس هو عارف اني بحبو
دي الوقت احنا في جازة و هو واحشني موت ومش عارفة ازاي حاتعدي علي من غيروو
في نفس الوقت حيراااانة من موقفو حتى اذا كانت مثلا ظروفو المادية
ماتسمحش مثلا انو يتقدملي دي الوقت على الاقل يقولي حاجة يخليلي أمل اتشبث
بي
أنا عارفة اني طولت عليكم و الموضوع ملخبط بس اعذروني عشان انا كلي على بعضي متلخبطة و بقيت مش فاهمة حاجو يا ريت حد ينصحني أعمل ايه

انا مع فرساهم جدا وهى حللت الموضوع من جميع الجوانب
وربنا ييسر لك كل خير