تعالى انتى و هى قولو لى اعمل ايه

عزيزاتي وزميلاتي القمرات ..أنا سعيدة جدا لأني و أخيرا دخلت باسم
الحيرانة عشان افضفضلكم واحكيلكم مشكلتي لأني فعلا اتخنقت ..معلش حطول
عليكم بس عشان تفهموني اكويس...ودلوقتي حاحكي..احم احم احم
ببساطة أنا الحمدلله بنت متفوقة في دراستي وطموحة وكمان أخلاقي ممتازة.(مش
اشكر في نفسي) والله دي الحقيقة...وكمان حضرت دراسات عليا و أخذت الماجستير
والحمدلله..عموما بعد المقدمة دي ...أنا تحصلت على ايفاد على حساب الدولة
للخارج وفرحت اوي لأن ده حلم حياتي..اخترت أمريكا ...ليه؟ لأني طبعا ما
عنديش محرم ولكن زوج أختي لديه ايفاد مثلي ورايح لأمريكا عشان كده اخترت
امريكا عشان يكون أختي ونس لي وزوج أختي محرم لنا ...وفعلا قمت بالاجراءات
كلها وحصلت حتى على التأشيرة وخلال تلك المدة تقدم لي عرسان كثيرون ..منغير
مبالغة حوالي 8 أشخاص...بس أهلي رفضوا لأنهم قالوا دول أكيد طامعين فيكي
وفعلا انا اقتنعت ...لكن بعد كده وبعد ما خلصت معظم اجراءاتي جاء شخص
لصديقتي وحكالها عني وقال انه عايزني وعايز يتقدملي الشخص ده كان زميلي
لفترة قصيرة ومعرفتي بيه سطحية بس ميزاته انه عنده ايفاد زيي بس لمصر مش
لامريكا وحالته المادية كويسة وعائلته كويسة خلقه ودينه كما سمعت عنه انه
كويس ومحترم ...ولما حكتلي صديقتي انا وافقت وقلتلتها عايزة احكي معاه
..حكيت معاه بالتلفون مرة واحدة وحسيت بارتياح له بعد كده طلب يشوفني في
الجامعة وفعلا اتقابلنا ..كنا نحكي مع بعض كما لو اننا نعرف بعض من عشر
سنين ..وفي حاجة كمان هو كان عند كسر في رجله لأنه كان عامل حادث من مدة
طويلة بس هو قال لي انه بعد شهر حيعمل عملية وحيبقى كويس وقال ما يقدرش
يتقدملي بشكل رسمي الا بعد العملية ..في البداية رفضت وبعد كده وافقت بس
قلتله عن شرط ان اهلي يكون عندهم علم وتحكي مع اخوي وفعلا حكى مع اخي وقال
له كل حاجة..وبعد كده جاب امه للجامعة واتقابلت مع امي في حفلة تخرجي
وحكتلها كل حاجة ..وأصبح أهلي لديهم العلم به ...مر الشهر اللي قال عليه بس
عمليته اتأجلت كم مرة لحد ما عملها بعد شهرين وبعد كده قال انه على ما
يبقى كويس حيتقدملي بعد رمضان وانا وافقت..انتهى رمضان لكن رجله لم تشفى
بعد ..قلتله حتعمل ايه قال حتقدملك وخلاص ..لمن استنيت كتير لحد في النهاية
ما حددلي موعد يجيب فيه اهله بعد شهر من رمضان وفعلا جت امه لبيتنا وحكت
نفس الكلام وقالت انه حييجي رجالة بعد كده عشان يثبتوا الموضوع ..بس لحد
دلوقتي ما جاناش حد منهم والسبب؟ هو انه لحد دلوقتي لم يشفى والعملية اللي
عملها مش ناجحة عشان كده حيعمل عمليتيتين كمان بعد عيد الأضحى وقال انه بعد
كده حيبقى كويس..دي قصتي مع هذا العريس...
أما مشكلتي هي: زي ما قلتلكم انا عندي ايفاد وكنت خلاص راح أروح لولا انه
جاء هذا الشخص ..طبعا انا بدأت في تغيير اجراءات الايفاد عشان اغير من
امريكيا لمصر...لكن الاجراءات أخذت وقت طويييييييييل ولسه لحد دلوقتي ما
خلصتش ...تصوروا ان الجراءات لحد دلوقتي ما وصلتش للمجلس الأعلى في مصر
وعايوة كمان شهر عشان أحصل على القبول وبعد كده شهر عشان التفويض المالي
وقصة طويلة....وانا خايفة ان القرار يسقط واخسر حلمي وطموحي ..هو لسه في
وقت بس مش كتير ..وانا دلوقتي قاعدة في البيت وزمايلي كلهم سافروا واختي
سافرت وبدأوا يدرسوا وأنا مكانك كن حاسة الوقت بيضيع وكل دقيقة تمر أتحسف
أقول لو رحت لأمريكا لكان دلوقتي بادرس وبحقق في حلمي..والملل قتلني واقعد
بافكرأقول أنا سبت طموحي بالساهل واخترت شخص وضعه الصحي لحد الآن مش مستقر
وعايز وقت عشان يبقى كويس وبعدين هو مش انسان كامل من كل النواحي...مثلا هو
اسلوبه في بعض الاحيان سوقي..يستخدم مصطلحات سوقية..كمان جريئ جدا وخاصة
في الرسائل اللي ساعات بيبعثها يعني مثلا يبعثلي يقولي بحبك ودي بوسة على
خدك وبوسة على شفاهك..بالرسائل بس .. وانا خجولة أوي وما بحبش الاسلوب ده
وخاصة انه لسه بدري عليه...وكمان ساعات بيتعصب بسرعة وبدون سبب وبيغلط
معايا في كلامه يعني مرة قال لي انتي كذابة وطبعا أنا اتعصبت وكنت حسيبه بس
هو اعتذر وقال مستعد اعمل اي حاجة ترضيكي ...وآخرحاجة محيراني هو انه أهلي
موافقين عليه و معجبين بيه وماما مستريحاله أوي بس بيقولولي أنه في الشكل
هو أجمل مني ..هو فعلا أجمل مني وكمان بشرته فاتحة أوي و أنا يادوب قمحية
بس هو شايفني وعاجباه وبيحبني و أنا مش بشعة ومش خارقة الجمال بس بصراحة
أنا خايفة من نظرة الناس أو واحد يقول انه اجمل مني لأنه ده بيجرحني
...عشان كده لما أفكرأقول ليه وجع الدماغ ده انا لازم أسيبه و ألحق نفسي
وطموحي وبعدين أنا عمري دلوقتي 24 يعني ليه مستعجلة بالزواج ...وبعدين
خايفة بعد كل تضحياتي دي وكل صبري ده انه في النهاية يطلع انسان مش كويس أو
ما ألا قيش سعادتي معاه وبعدين الزواج مش كل حاجة وخاصة لما اسمع حكايات
بتاعة الطلاق أقول أنه الرجالة ما لهمش أمان ...خايفة بعد كده أندم أني
تنازلت عن طموحي ودراستي في أمريكا اللي هي حلم أي واحد عشان واحد لا يستحق
في النهاية...الندم صعب أوييييييييييييييييييييييي..مش عايزة أندم...وعلى
فكرة أنا صليت الاستخارة أكثر من 10 مرات وسايبة الامور تمشي و أما عن هذا
الشخص أنا حكيت معه لكن لم أفهم طريقة تفكيره الى الآن ..بحبه و أحس
بالانسجام لما احكي معه وهو بيرتاح لما يحكي معي بس الى الان لم استطيع أن
أفضله على طموحي ومستقبلي وهذا ما يتعبني......................
آسفة طولت عليكم ....بس سؤالي ليكم ...هل أختار طموحي أم أختاره هو و أنتظره و أتحمل عواقب اختياري له ؟ .... عايزة نصيحتكم

بصى حبيبتى انت غلطانة طبعا اولا مرضه ده مش عيب وخاصة انه قالك من الاول انه مش حيتقدم الا لما يعمل العملية


بس انت كنت سافرتى لحد هو مايعمل عمليته ولما تنزلى اجازة كانت تمت الخطبة

لكن انت كده قاعدة لا اتخطبتى ولا اتعلمتى ده غلط

اوعى تضحى بمستقبلك علشان الجواز ده نصيحة ام

سافرى حبيتى وفى اقرب اجازة ابقى اتخطبى لحد ما يخلص عمليته

لو هو بيحبك حيحب لك الخير انانى وعايزك تستنى جنبه يبقى انت عرفتيه ويبقى بالسلامة من اولها