إذا جايالك غصب هاتها بجميلة

ايوة إذا جايالك غصب هاتها بجميلةيعنى جوزى ببساطة كده ...احم احم اعملى كذا ....وانا ببساطة اكتر مش عايزة اعمله لكن انا متأكدة انه مش حيسكت ولالالالالالالازم حاعمله
يبقى اقنع نفسى من الاول
انا كده كده مغصوبة صح؟؟
وكده كده حاعمله صح؟؟
ولامفر....يبقى الحل
اقنعه هو انى باعمل ده علشان سواد عينيه...ايوة ولو لونها عسلى يبقى علشان العسل ميزعلش..
حتروحى يوم الاجازة لحماتك عافية ؟؟؟ وليه عافية دا انا باموووت فيها ومن يوم السبت باجهز نفسى علشان اروح عندها يا .....حياتى ؟؟ طب بتجزى ليه على سنانك؟؟
لا مفيش كده انا حاروح علشان عيونه ايا كان لونها ايه....
طب جربى كده وكل مرة احسبيها
حاعمل ده يعنى حاعمله يبقى اقنعه انى باعمله علشان عيونه وكده تبقى ايه
اذا جايالك غصب .....هاه ؟؟ ...حملى جوزك جميلة يستنى يردهالك...
اتفقنا؟؟
اه على فكرة انا باروح لحماتى بمزاجى بس ده المثل اللى لقيته قدامى مش عارفة ليه ....
يللا أشوفكم مع فوكيرة جديدة تخلى حياتنا احلى واسعد ...لالالالالالا واهدى
سلام

هههههههههههههههههههههه
على فكره موضوع انه بمزاجك \ غصب \واجب \ فرض \ شرط
ده مهم جدا وياريت كلنا نتكلم فيه وبرضو هنحاول نقنع نفسنا انه لازم
او فرض هههههههههههههه عشان الحياه تمشي لانه هياثر عليكى انتى
وعلى بيتك وعلى علاقتك بزوجك اولا واخيرا وربنا يقدرلنا الخير حيثما كان
الله المستعاان

الله المستعان على الفكره دى بس هوه هيلاحظ الغصب يبقى بجميله ههههههههههههههههههه
افرض مابيحسبش الجمايل
تسلم افكارك ياحبيبتى

خلاص نفكره بيها وقت الزنقةبس اوعى لا تبقى بمعايرة ههههههههههههههههههههه
الله يبارك لك

معاكى حق كتير بنضطر نعمل حاجات مش على هوانا

لو اقنعنا نفسنا ان نعملها بمزاج يمكن نعديها ولكن حكاية الجميلة دى صعبة

مش كل حاجة تعمليها وتكونى مش حباها الطرف الاخر يفهمها انه لعيونة الوحشين اقصد الحلوين....

للاسف اصبح حق مكتسب ومطالبة بيه طووول حيااااااااااتك

ااااااااااااااااه الصبر يارب من عندك

بس فكرتك حلوة يمكن لو نفذناها نشوف الحياة حلوة؟؟؟

ولية لا مانجرب يمكن.....

واللة فكرة حلوة لامتصاص غضبى لشى انا مش عايزة اعملة يا ريت تجبيلنا افكار تانية يا عسل رسالة حب

:sleep:

على فكرة موضوع مهم جدا و فعلا لازم يبقى منهج فى حيتنا بجد علشان نرتاح

جزاكى الله خيرا يا قمر

فكرة حلوة بس انا عندى فكرة افضل

طالما كده كده وحتبقى جميلة

طيب ما نخلي نيتنا فيها ارضاء الزوج وطاعة للزوج

علشان ناخذ عليها اجر

الله عليكى بس اصل النوايا دى محتاجة تدريب علشان تبقى كده ...وبصراحة الكلمة دى انا سمعتها من طبيب نفسى وعلقت معايا

تصدقوا انا كنت نسيت الموضوع ده لحد قدرا ما لقيته وانا بالف فى المنتدى

معاكى الف حق
تسلمى

شكرآ جزيلا على الموضوع الرائع و المميز