الحقوووونى .... بيقولى انتى واقعة من علبه كبريت

رمضان كريم عليكم كلكم .......
ياجماعة انا نفسيتى زى الزفت انا مشكلتى ان انا رفيعة اوى وبسمع ترقيه
وحاجات تحرق الدم ببقى ماشية فى الشارع الاقى واحد يقولى يا معصعصة ...
واحد تانى يقولى يا معضمة ... واحد تانى يقولى انتى واقعة من علبه كبريت
... والتانى يقول انتى خارجة من معصرة القصب الكبرى وحاجات من دى كتير
والله انا بفضل اعيط وبنهار لان الموضوع ده خانقنى وانا مخطوبة والحمد لله
خطيبى بيحبى بس بيفضل يقولى بهزار يابنتى انتى قربتى تختفى ايه يابنتى مين بياكل اكلك ومثلا لو اشتريت
طقم يقولى جبتيه واسع ولا لاء اقوله اه واسع يضحك ويقولى مهى اى حاجة بتبقى
واسعة عليكى هو انتى فيكى حاجة
ولما بروح الكلية الاقى ناس تتريق ويقولولى لاء باب الحضانة مش من هنا ولما
حد يشوفنى ويقولى انتى بتدرسى ايه اقولهم انا فى كليه يقولولى نعم انتى
بتهزرى احنا كنا فاكرينك فى اعدادى ولا حاجة
كل اللى انا حكيته ده رغم ان انا بلبس 3 بناطيل تقريبا تحت هدومى وبحشى
نفسى هدوم فى عز الحر ده ببقى هفطس من الحر والله ورغم كده حاسة ان انا
ممسوحة مفيش حاجة خالص
ياريت تساعدونى قولولى اعمل ايه انا مخنوقة جدا والله والموضوع ده مأثر
عليا جدا ساااااعدونى ربنا يجازيكوا خي

حبيبتى انا عن نفسى مش شايفه ان عندك مشكله كل الحكايه ظبطى اكلك وكلى الحاجات اللى احنا يا مليانين محرومين منها عشان بنقول بطخن وبعدين انا هقولك على حاجه انا مقتنعه بيها اولا لازم تحبى نفسك على هذا الشكل هترتاحى واعرفى انك الحمد لله فى نعمه لان الناس مورهمش الا التريقه والكلام واعرفى ان فيه غيرك من المليانين هيموتو وينحفو ويدفعو دم قلبهم عشان ينقصو وزنهم وقولى الحمد لله على نعمه الصحه وربنا يهديكى ويهدينا لما يحب ويرضى
:yjh:

انت اولا لازم يكون عندك ثقه فى نفسك

انت حلوة وجمليه ومفيش وحده زيك فى الدنيا كلها

تانى حاجه اعملى تحلل هرمونات شوفى لو فيه مشاكل او تحليل بول يمكن عندك دود واحمد ربنا ياريت انا رفيعه ياريت د انت فى نعيم واوعى حد يهز ثقتك فى نفسك

ياحبيبتى متشغليش بالك من الناس وانا شيافة انك احسن من غيرك بكثير

» هلى انتى معى فى هذة الجملة
» انتى فيروس
» انتى معقدة ولا لاء
» تعالى انتى و هى قولو لى اعمل ايه
» ايا يا شابة انتى وهية فين الموضوعات بتاعتكم