ابنائى شاهدونى فى وضع مخل بالاداب

افيدونى افادكم اللة اعذرونى انا هتكلم بصراحة الحكاية تبدا زوجى طلب منى اللقاء الحميم بينى وبينة او الخلاوة الشرعية ودخلت معة الغرفة وبعد مخلص اللقاء فتحت الباب وصدمت وكد انهار من هول ما رايت ابائى يشاهدونى انا وابيهم من ثقب صغير فى الباب وشاهدونى مع ابيهم فى وضع مخل اطفالى الاثنين واحد عندة 7سنوات والثانى 4سنوات وبعد ما افقت من هول الصدمة جلست استجوبهم بهدوء وكانتى ماساتى اكبر عندما حكوا لى كل شى وراو كل شى بالتفصيل وقلدو الاوضاع هم الاثنين ودارت بى الدنيا وووجلست على الارض افكر اعمل اية معاهم ثم فجاة زعقت فيهم وشتمتهم وقولت لابيهم ان يعاقبهم على ما فعلوة لاكن استغربت من برود زوجى للموضوع وقال لهم ببساطة لو عملتوا كدا تانى هضربكم وقال لى لازم منضربهمش علشان ينسوا ما راوة وسالنى ابنى لماذا نفعل هكذا فى الغرفة معرفتش اقول اية خائفة جدا على ابنى الاكبر ان يصبح شاذا جنسيا ماذا افعل وللعلم انة من سنتين شاهدنى مع ابية عندما فتح الغرفة وضربة ابوة بالقلم وكمان بالمصادفة دخل على زراير االدش وشاهد لقطات ****** من الاوربى واول مرة اعرف انة شاف الحاجات دي على الدش واللة انا مش بتفرج على الاوربى وقالى يا ماما انتوا بتعملوا زى الى شوفتهم فى الدش اعمل اية علشان انسية الحاجات دى ومتقولوش علية مهملة انا باراجع اول باول على غلق الاوربى والنت اكاد اجن افيدونى هل ابنى سوف يصبح شاذ ازاى انسيهم همن الاثنين ما راوا

حبيبتى انتى لازم تخدى الامور بهدوء وتتصرفى مع الاولاد بحكمةوتسالى حد متخصص يعنى دكتور فى طب النفسى للاطفال ويا ريت تعلمى اولادك ان التجسس حرام وانهم لازم يخبطو عليكى او على اى حد قبل ميدخلو عليه
وانا شايفة ان ابوهم اتصرف صح وربنا معاكى ويا ريت تعرفينا عملتى ايه

بصراحة معاكى حق تتضايقى لكن قدر الله وماشاء فعل

اولا استعينى بالله والدعاااااااااااء باستمرار لاولادك بان يحفظهم الله من اى مكروة لاننا بزمن صعب

وياريت تغلقى اى فتحة يروكم منها الاولاد وتتأكدى من هذا

كما ان حديثك بهدوء مع ابنك عن ان الله حلل الرحمة والمودة بين الزوجين وانه عندما يكبر يحق له الزواج والتنبية على حرمانية فعل هذا مع اى شخص وخاصة اختة خدى باللك ممكن يطبق مايراة مع اختة وتكون كارثة

لابد ان تفصلى البنت عن اخوها ويكون لها غرفة لوحدها طالما ابنك بدأ ينتبة لهذة الامور ولاتتكريهم لوحدهم ابدااااااا

وداومى ابنك للصلاة بالمسجد وعرفية على اصدقاء صالحين يحفظ معهم القراءن ويسلى وقتة بالرياضة والقراءة

ومايفيد حتى ينصرف عن التفكير بهذة الامور ولاتقلقى ربك موجود وسيحفظهم بأذن الله

حاولى تحترسى وتنتبهى لاى موقف قادم وتتأكدى ان الاولاد نائمين قبل اى لقاء زوجى بينكم ودعواتى لاولادك واولادنا جميعا بان يحفظهم الله من انفسهم ومن كل مكروة

الصح تعرفيه إن العلاقه دى اسمها علاقه زوجية .
طبعا ما ينفعش تقولى هينسى -زى ما زوجك بيقول- لاء طبعا ،هو فهم
وشاف على الأوروبى كمان.

يعنى لازم تقعدى معاه كتيييييييييير وتفهميه إن العلاقه الزوجية ربنا شرعها للتوالد والتكاثر.
احكى حكاية سيدنا آدم لما اتخلق لواحده.
كان محتاج ست يعيش معاها فى الحلال ، يعيش معاها ويتزوجها وينجب الأطفال.
فهميه اللى على الأوروبى ده اسمه زنــــــــــا..وحرام نعمله أو نفكر فيه.
هايسألك :
يعنى انتوا بتعملوا كده عشان تجيبوا اطفال ؟طب ليه ماعندناش اطفال واخوات كتير؟
اشرحى له إن إرادة ربنا ممكن ما تحكمش بأطفال دلوأتى.
واشرحى بشكل علمى بحت عملية التقاء الزوج بالزوجة .
فهميه كيفية حدوث الحمل.
دخليه من نواحى تانيه ،عشان ما يفكرش فى عملية اللذة الجنسية دلوأتى.
دخليه فى الدين والشرع وآداب الإستئذان وعدم التجسس .
عرفيه إن الأمور دى عورة ،وحرام نتطلع على بعض فيها.
فهميه إنه لما يكبر ويبقى راجل هايتجوز ويجيب اطفال بنفس الطريقه دى.
حسسيه إنه ممكن يتوب ويرجع لربنا لو بطل يشوف الحاجات دى ،،لأن ربنا قال:
وقل للرجال يغضوا من أبصارهم ويحفظوا فروجهم .
وغض البصر ،يعنى ما نبصش على عورات الغير.
وحفظ الفرج ،يعنى العلاقة الزوجيه فقط ،وأى حد تانى مش من حقه يشوف العورة او الفرج.

طبعا الكلام ده مع ابنك لأنه شاف ده .
يعنى مش لازم اتكلم مع طفل ماشقش ولا فهم الكلام ده .

ما تنسيش ،أوعى تدخلى مع زوجك فى حضورهم ،لأنهم فهموا خلاص.
حاولى ما تعمليش كده تانى أبدا فى حضورهم واتفقى مع زوجك على وقت هما مش موجودين فيه
أو نايمين وانتى متأكده من نومهم .

معلش طولت عليكى .
ربنا يهدى ولادك يا رب.

انا تقريبا حصلى زيك كده بس ابنى سنه اصغر من ابنك انا رأى فعلا اتكلمى معاه
وفهميه ان كده غلط وسدى ام الخرم اللى فى الباب ده وحولى تلغى الاوربى اصلا من البيت
واعملى برنامج حمايه من المواقع الاباحيه من على النت وادعى ربنا ليل نهار انه يهدى اولادك
واوعى تغفلى عنهم او تسيبيهم لوحدهم ربنا يستر عليهم وعلى اولاد المسلمين اجمعين

لازم تشرحى لهم وتسمعى اسالتهم متسبهمش يفكروا جوبى باسلوب علمى مبسط ودخلى الدين

ربنا يعينك يارب وكل اخواتى افادوكى ما شاء الله عليهم

حبيبتى حاولى تسئلى دكتور نفسى للاطفال بدل ما تفوجى بابنك بيعمل حاجة غلط لانة زى لما شاف عايز يجرب كطريقة للمعرفة وخلى بالك منة جدااااااااا من غير هو مايلاحظك وحاولى تقففلى الباب بالمفتاح عليكى وسدى الفتحة مكان وضع المفتاح وخلى بالك على ابنك من العادة السرية رغم صغر سنة الا ان الجيل اختلف

vbncghd

السلام عليكم ورحمه الله

اولا بجد ربنا معكى انا بترعب اوى على ابنى الى فى كى جى 1

وعلى طول بروح المدرسه ومش بخليه يروح الشارع لانى مرعوبه جدا من موضوع الشذوذ ده عندى رعب منو

وطبعا انت فى نار وانا حاسه بيكى بس فعلا انا مع راى دوالى ولبنى لازم ابنك يعرف ان ده طبيعى وان ده تحت الشرع والدين اسمه زوج حلال وان غير كدا زنا واشرحى له قصه سيدنا ادم وان ربنا خلق له حواء تعيش معه و

ان بكرة راح يكون من حقه يتزوج بس لما يكبر ويتعلم

ولازم توديه طبيب نفسى طبيب سلوك اطفال يكون ده تخصصه وبجد ربنا معكى وخالى بالك وحطى قطن فى خرم الباب ده

معلش اسمحيلى اتكلم معاكى بصراحه

الف باء قواعد الحميميه وفى اطفال انهم يكونوا نايمين ده اولا فا فى جانب اهمال منك لاااااااااااااااا شك فيه استغفرى الله تعالى

ثانيا حاولى تعملى زى انهارده يا ولاد عندنادرس مهم ساعه كده اقعدى معاهم كل يوم كأنك يعنىبتفيهم حاجه من الحياه مره عن الاصحاب والتعامل معاه مره عن الاساتذه ازاى نتعامل معاهم ونحترمهم مره الاقارب وبعدكده انتهزى الفرصه فى درس جديد للموضوع ده بحزافيييره استعرضى كل كبيره وصغيره فيه وسبيييييييييييييييهم يسألوا

طبعا الكلام ده بدرى جدا جدا بس القدر حكم عليكى بكده

متكبريش الموضوع جواكى قوى شذوذ ومششذوذ كل شئ بأوانه وكل مرحله ليهامشاكلها وربنا معاكى