تدبيس المعدة

السلام عليكم يا بنات

انا محتااارة جدا و مرعوبة فى نفس الوقت بسبب العملية دى

هقولكوا القصة انى عندى 18 سنة ووزنى كبير اوووووى بصراحة هتكسف اقوله ع العام كده

و جربت كل الريجيمات اللى فى الدنيا و دكاترة كتيير و مصاريف اكتر و لا اى حاجة بالعكس بزيد اكتر من الاول بس

ماما عرضت عليا انها تعملى العملية دى و انا بصراحة مرعووووبة انا قلتلها انى موافقة بس برضو خايفة اوى من البنج و العملية و انا هعملها

منظار ان شاء الله لو عملتها المهم يا بنات انى محتارة و خايفة يجرالى حاجة لانى اصلا صحتى تعبانة انا عايزكو تدعولى بالله عليكو ربنا

يلهمنى للصواب و لو العملية نصيبى اقوم منها بالسلامة و اوصل للى انا عايزاه ربنا يجازيكو خير يا رب وياريت اللي عند تجربة مع دكتور يوقلها ويوقول عملها مع مين

إن شاء الله هتقومى بالسلامة وهتبقى زى الفل

أنا هورد لك باختصار كل اللى عايزة تعرفيه فيما يخص العملية دى

تدبيس المعدة نوعين :
النوع القديم ويسمى التدبيس الإفقىVertical gastroplasty وهو نوع غير مكلف ومنتشر جدا فى مصر ولكنه غير فعال ولا يسبب نقص الوزن بصورة كافية ونقص الوزن فيه لا يكون مستمر

اما التدبيس الانبوبى او التدبيس الكمى او تكميم المعدة Tube Gastrectomy وهو الحديث ومكلف لكنه افضل عملية بالنسبة للسمنة حديثا لانه يستئصل 85% من المعدة والتى تفرز هرمون الجوع مما يقلل الشهية جدا دون الإخلال بوظيفة المعدة او بالإمتصاص

مميزات التدبيس تتلخص فى إنها مفيدة للأشخاص الذين لا أمل لديهم في إنقاص الوزن المعتمد على الإرادة والعزيمة، كما في أولئك المصابين بسمنة مرضية مفرطة خطرة على الجسم، وتهدد بقاء الشخص على قيد الحياة.

أما المخاطر المحتملة لاقدر الله :
1- مخاطر مبكرة: التها ب الجرح ,تسرب في خط التدبيس ,ضيق في مخرج المعدة المربوطه
2- مخاطر متأخرة: ارتخاء الجزء المربوط ,والقئ المتواصل ,وحصى المرارة ,
,بالإضافة إلى المخاطر المصاحبة لاي جراحة او تخدير.

وهذه جميعها تحتاج عادة الي تدخل جراحي او علاج بالمنظار فى حالة حدوثها لاقدر الله

نصيحة أخيرة .. إتوكلى على الله وإعملى تدبيس المعدة ، الطب فى مصر إتقدم ومفيش أى داعى للخوف

وإن شاء الله تقومى لنا بألف سلامة

تحياتى

ياااااااااااااااااااااااااارب تقومى بالسلامه يارب
وتقومى منصورة وتحققى كل الى بتتمنه ياااااااااااارب
ويارب الدكتورة تكون افدتك