يلا نخلى مصروف البيت يكفى ويفيض تعالى وانا اقولك ازاى

انا كان عندى كدة كام فوكيرة ممكن يعجبوكى لانى عملتهم

وبجد ضافولى خبرة واتعلمت ازاى اتحكم ف متطلباتى
يعنى اية؟؟؟
.

يعنى كام نقطة كدة لو عملتيهم ممكن توفر معاكى ف مصروف البيت
اللى دايما معاندنا
هقولهم ليكم
بس هنتفق على حاجة
اللى بيعمل حاجة منهم يقولى
واللى استفاد حاجة يقول
واللى عندة فكرة احسن يقولنا نستفاد منة
طولت عليكم سامحونى نبدا بس الاول نعمل اية؟؟؟
نصلى على سيدنا رسول الله












اول حاجة
الصدقة
..............................................
عارفة طبعا انكم بتعملوا كدة بس احنا يابنات بنذكر بعض لية؟؟
عشان حبيبنا النبى علية الصلاة والسلام قال اية...
.( ما نقص مال من صدقة بل تزده بل تزده بل تزده ).
وعشان ربنا يكفينا شر الامراض ويشفى مرضانا نقوم نوفر اللى بنصرفة على العلاج والدكاترة
وال وال وال عشان النبى قال اية....
.( داووا مرضاكم بالصدقة وحصنوا اموالكم بالزكاة ).



تانى حاجة
الدين
.................................................. .
ربنا يكفينا ويكفيكم شر الدين وخاصة باة لو قرض ياسلام على قلة البركة اللى بتيجى للفلوس
وكمان النبى المصطفى استعاذ من شر الدين لانة بيقل البركة ف القرش ولو
الدين هين يابنات كان ربنا غفرة للشهيد اللى هو اية بيدخل الجنة بس لايغفر
لة الدين
. ( يغفر للشهيد كل ذنوبه إلا الدين ).
تخيلوا باة الدين دة قل بركة الفلوس
وكمان ربنا يطول ف عمركم لو متنا وعلينا دين نقول اية قدام ربنا عز وجل
يبقى هنعمل اية..
نكتب كل الديون اللى علينا ف ورقة ان شالله عشرة جنية للبقال
ان شاللة 20 للست بتاعة الهدوم ان شاللة مليم امال هنقف ادام ربنا وربنا يبارك ازاى
وكل مايتوفر ادامك قرش سددى لحد ماربنا يسد ماعليكىد



تات حاجة
حاولى وانا بقول حاولى
تدخرى اى جزء من مرتب جوزك
.................................................. ...
ودة لازم تعملية حتى لو قلتيلى ماهو اساسا المرتب مش مكفى اقولك واية يعنى ماهو فية ناس
اساسا بتقبض نص مرتبك وعايشة وزى الهنا وفية ناس اساسا ماعندهاش مرتب
واهو كلة ف الاخر بينام شبعان اللى كل لحمة واللى كل عدس وفول



رابع حاجة ودى الاهم
لما عينك تشوف حاجة وخلاص داخلة تشتريها وهب هتطلعى الفلوس
تستنى
.................................................. ........................
ايون تستنى
لية
لان النفس البشرية زى الطفل كل مايحب حاجة بيحب ياخدها او يجيبها ف لحظتها
لكن لو معاليكى اتحكمتى ف رغبتك دى وقلتى ماشى هشترى الحاجة دى بس بكرة

رغبتك هتقل وهتعرفى اذا كنتى محتاجاها فعلا ولا لاء مش زى حاجات بال ياما اشتريناها وندمنا بعدها ونقول انا لية اشتريتها وصرفت فلوسى ف الهوا
وكمان
.وقد ورد أن عمر بن الخطاب رضي الله عنه قال لجابر لما رأى معه لحماً : ما هذا يا جابر ؟ فقال جابر : اشتهيت لحماً فاشتريته .
فقال عمر : أوكلما اشتهيت اشتريت ؟؟!! ..




خامس حاجة
التقسيط
.................................................. ................
بلاش يابنات القسط دة خراب والله وامشوا على ادكم
معاكم اشتروا مش معاكم ماتشتروش
وسيبك من الشركة السعودية والشركة الفلانية ومتشتريش غير وفلوسك ف ايدك ودى نصيحة مش اكتر


سادس حاجة
افتكرى اللى اقل منك
وبلاش تبصى للى احسن منك
عارفة لية؟؟؟؟؟؟
.( حينما تغلق الأبواب تتساوى الأحياء ).
يعنى لما بابك بيتقفل عليكى كل الناس بتتساوى

ومحدش له دعوة بينا ولا حد لة عندنا حاجة


.

انا كدة قلت الكلمتين

عجبوكم ادعولى دعوة حلوة من قلبكم

ولو عندكم اضافة تبقوا بجد افادتونى

بالله عليكم لاتنسونى من صالح دعاؤكم انا وزوجى وبناتى

ربنا يجزيك خيرا

بارك الله فيكى موحة وربنا يباركلك فى اولادك يا رب ويباركلك فى زوجك اللهم اميييييييييين