وبحلاوتى مجنناهم
 
الرئيسيةالرئيسية  البوابةالبوابة  الأحداثالأحداث  المنشوراتالمنشورات  س .و .جس .و .ج  بحـثبحـث  المجموعاتالمجموعات  التسجيلالتسجيل  دخولدخول  
الخطوة الاخيرة

شاطر | 
 

 كل واحدة تفكر قبل ما تدعى دعوة وحشة

اذهب الى الأسفل 
كاتب الموضوعرسالة
ام مالك وتميم
كيداهم نشيطة
كيداهم نشيطة
avatar

انثى
تاريخ التسجيل تاريخ التسجيل : 10/04/2012
عدد المشاركات عدد المشاركات : 79

مُساهمةموضوع: كل واحدة تفكر قبل ما تدعى دعوة وحشة   7/5/2012, 8:44 pm

السلام عليكم ورحمة وبركاتة
انا النهاردة افتكرت حكاية من زمان اوى حكاية فعلا محزنة بالنسبه لية بس قلت
احكيهالكوا عشان تكون عبرة لينا كنا وانا قبليكوا

طبعا امى اللى حكيتهالنا امى اول ما ولدت اول مرة ربنا رزقها ببنت بابا واهلة مش فرحوا وكمان عايروها بيها
تانى مرة حصل الحمل بسرعة وشرفت انا بابا ساب امى فى المستشفى من غير ولا مليم ولا كلمة واحدة ومشى
ماما طبعا حلفت ما هى مخلفة تانى وبعد كام سنة اكتشفت ماما انها حامل للمرة التالتة وبدات المشاكل بابا مش عايز الحمل وماما كمان وبقت على طول حزينة ورافضة الاكل وخناقات مستمرة كانها هى اللى بتجيبوه بنت او ولد مش ربنا استغفر المهم بقى ماما من قلبها بقت تدعى وتقول يا رب يجى ولد ومش تفرح بيه

تخيلوا الدعوة اد ايه صعبة ازاى حد يقول كدة بس ده كان من حرقة قلبها ومن حزنها المهم ولدت وكان ايه ولد زى القمر سبحان رب العالمين ابيض وجميل بشكل وشعرة مائل للاصفرار وعينيه عسلى قمر 14
المرة دى راح جابلها تاكسى وكان ناقص يجيبلها حتة من السما وفرح فرحة الدنيا كلها
لكن مر 6 شهور واخى الغالى لا يبكى ولا يترك مطرح ما تسيبية تلاقية واكتشفت امى مرضة كان عندى شلل دماغى بس بنسبة كبيرة كان المفروض يدخل حضانة لكن الدكاترة يسامحهم ودعوة امى يسامحها
المهم اخويا حبيبى طبعا لسة فاكراه عاش 7 سنين كلها معاناه ومرار واكتر حد عانا هى امى مش قادرة اوصفلكوا مدى حزننا واحنا شايفينوه لا يتحرك ولا حتى يهش ذبابة من علية لسة فاكرة لما كنت بكلمة وهو مش بيرد علية ولما كنت اصحى بليل اشربة الميا واغيرلة ملابسة على فكرة انا اكبر منه ب 4 سنين بس بس كنت بحبة كانى امه
فكرة مرة ماما سابتة معايا كان عندى 6 سنين بس وراحت تجيب اختى الكبيرة من المدرسة رجعت لقيتنى حطة كل الغطا اللى فى البيت من خوفى علية من السقعة وانا نمت من غير غطا وفاكرة قبل وفاتة بساعات كنت حضانة وبقولة انا عارفى انا سايبنى وماشى مش عارفة ازاى حسيت بيه بالشكل ده

طبعا الحمد لله الف مرة انه توفى قبل ما يبقى شاب ونشوفة نايم قدامنا زى الاطفال انا عارفة انه فى الجنه
بس انا بسال نفسى ليه امى دعت الدعوة الوحشة دى هى اكتر واحدة اتالمت بيها هى اللى لفت 7 سنين على المستشفيات وهى تعبت فيه
المهم يا يت انتوا تاخدوا بالكوا فى ساعة عصبيتكوا بلاش الدعاء انا سمعت ان الشيخ السديس او الشريم لا اذكر المهم كانت امه لما بيزعلها كانت بتقلوه جعلك اماما للمتقين شوف الدعاء الجميل حتى وقت الغضب
عافاكم من شر الدعاء الوحش
السلام عليكوا
نسيت اكمل الحكاية ماما بعد وفاة اخويا حملت تانى وخبت عن كل الناس انها بنت كان السونار طلع بقى وكانت بتاكل اكل غير عادى خايف على البيبى لحسن يطلع زى اخويا وكانت فرحانة ولما ولدت بابا فرح فرحة الدنيا وبطل يقول ولد وبنت
الرجوع الى أعلى الصفحة اذهب الى الأسفل
hanaa_200
المشرف العام
المشرف العام
avatar

انثى
تاريخ التسجيل تاريخ التسجيل : 17/03/2011
عدد المشاركات عدد المشاركات : 1617

مُساهمةموضوع: رد: كل واحدة تفكر قبل ما تدعى دعوة وحشة   16/5/2012, 11:19 pm

لا حول ولا قوة الا بالله

فعلا الرسول عليه الصلاة والسلام حذرنا من الدعاء على انفسنا واولادنا واموالنا

ربنا يرحمه حبيبتى وفعلا هى قصة وموعظة كبيرة يجب اننا جميعا نتعظ منها
الرجوع الى أعلى الصفحة اذهب الى الأسفل
 
كل واحدة تفكر قبل ما تدعى دعوة وحشة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كيداهم :: ارغى ياكيداهم :: فضفضة-
انتقل الى: